Gott 6.000 bilar í Eysturoyartunlinum í novembur

Gott 6.000 bilar koyrdu í  Eysturoyartunlinum í novembur.

Tað eru gott 50 fleiri enn november í fjør, men 340 færri enn í oktober í ár, vísa tøl frá tunnilsfelagnum.

Seks av teimum 12 mánaðunum í 2024 hava yvir 6.000 bilar koyrt gjøgnum tunnilin um samdøgrið.

891 bilar í Sandoyartunlinum 

Tølini fyri novembur vísa, at í Sandoyartunlinum koyrdu 891 akfør í miðal ígjøgnum um samdøgrið, og í oktober vóru akførini 984.

Í Vágatunlinum koyrdu 2.435 akfør í miðal, og tað er nakað minni enn í novembur í fjør og fyrraárið.

Eisini í Norðoyatunlinum var ferðslan eitt sindur minni enn í novembur í fjør og fyrraárið, tí í november í ár var hon 4.010 akfør.