Nógv at spæla um í finaluni um Løgmanssteypið

Í kvøld bresta B36 og HB saman í finaluni um løgmanssteypið.

Ítróttarliga, hevur dysturin stóran týdning fyri havnarfeløgini bæði, sum ikki eru nøgd við úrslitini í landskappingini í ár.

Men fíggjarliga er eisini nógv at spæla um. Sambært bolt.fo, fær HB 1,5 mió. kr., um felagið vinnur kappingina um løgmanssteypið.

Hjá B36 er uppaftur meira at spæla um, tí felagið skal vinna fyri at sleppa at spæla evropeiskan fótbólt næsta ár. Í pengum er talan um 4 mió. kr.

- Tað hevur týdning at enda kappingarárið við einum steypi, sigur Ransin Nepoleon Djurhuus, formaður í HB.

Hoyr innslag við Ransini Napoleon Djurhuus og Maritu Debess Magnussen í útvarpstíðindunum

Finalan um løgmanssteypið verður í kvøld klokkan 19.00 á Tórsvølli. Kringvarpið sigur frá finaluni í útvarpinum.