Leita eftir goymslu til lívfrøðiligar og evnafrøðiligar royndir

Havstovan leitar eftir goymslu at leiga til lívfrøðiligar og evnafrøðiligar royndir.

Leigumálið kann vera í bygningi fyri seg, ella í parti av bygningi. 

Hóskandi stødd er 300 til 400 fermetrar, og hølið skal vera triggjar til fýra metrar høgt.

Hølini skulu vera lætt atkomulig og helst í miðstaðarøkinum, og tá telur sunnari partur av Eysturoynni við.

Bacalao ikki egnað

Havstovan hevur atgongd til part av goymsluni í fyrrverandi frystigoymsluni í aðru hædd á Bacalao. 

Men tey hølini hava vánaliga atkomu, og eru yvirhøvur illa egnað.

Leigumálið varar í fimm ár, og kann í serligum umstøðum vera longur. 

Fróðskaparsetrið hevur gjørt av at brúka kanningarstovurnar í Nóatúni aftur, kanningarstovurnar, sum Havstovan hevur brúkt seinastu árini.