Annie vendi aftur til røturnar

Nógv er skrivað og hugleitt um tað at venda aftur til sínar røtur og týdningin, hetta kann hava.

Ein, sum hevur roynt hetta, og hevur upplivað føðilandið við nýggjum eygum, er Annie Ariel Lassen.

Fyri fyrstu ferð í nógv ár hevði hon í summar ein longri steðg í Føroyum, og tað gav henni eina nýggja uppliving av føðilandinum.

Í huganum sá Annie regn og vind fyri sær, tá hon hugsaði um Føroyar, men soleiðis er veruleikin ikki, sigur hon brosandi.

Tað at kunna vitja eina góða vinkonu uttan skula skunda sær til flogfarið, sum flýgur um lítla løtu, er gevandi.

Annie hevur gjørt ein film um upplivingina á síni YouTube-rás. Hann sæst á hesum leinki.