Sølvi skal menna føroysku svimjingina

Sølvi skal menna føroysku svimjingina
Sølvi Reinert Hansen er nýggjur aðalskrivari í Svimjisambandinum, sum ongan slíkan hevur havt í hálvtannað ár. Hann skal skipa og menna føroyska svimjing
Lógvatak: Sølvi Reinert Hansen (t.h) og formaðurin í Svimjisambandinum, Rókur í Jákupsstovu
Mynd: Svimjisamband Føroya  
 
05.09.2024 - 09:00

Sølvi Reinert Hansen er nýggi aðalskrivarin í Svimjisambandi Føroya og skal skipa og menna føroyska svimjing frameftir.

Svimjisambandið hevur ongan aðalskrivara havt í hálvtannað ár. 

Sølvi Reinert Hansen hevur drúgvar royndir í føroyskum ítrótti. Hann var sjálvur virkin íðkari og seinni hevur hann verið ráðgevi, aðalskrivari og forseti ÍSF, og limur í altjóða oyggjaleikanevndini, IIGA, skrivar Svimjisambandið.

Seinastu 13 árini hevur hann starvast sum mentanarleiðari hjá Runavíkar Kommunu. 

 - Vit vænta okkum nógv av nýggja samstarvinum, har Sølvi óivað kann læra okkum ymiskt um, hvussu Svimjisambandið kann betrast og mennast. Møguleikarnir eru mangir, millum annað vegna nýggju svimjihallirnar sum eru á veg í Havn og í Runavík, skrivar ssf.

Fyrsta stóra uppgávan hjá Sølva Reinert Hansen, sum byrjaði í starvinum 1. september, er norðurlendsk ráðstevna um svimjifrálæru, sum Svimjisambandið er vertur fyri í Norðurlandahúsinum í oktober.

 

05092024_Solvi

 

Er kopiera
Nýggjastu sendingar í ÚV
Týsdag 15. juli
Morgunlestur týsdagur 15.juli 2025
194086
Mánadag 14. juli
Poppverturin
194204
Nýggjastu sendingar í SV
Týsdag 15. juli
Veðrið
194514
Týsdag 15. juli
Og ein summardag (1:2)
194521
Mánadag 14. juli
Seinasti vitameistarin
194455
Sunnudag 13. juli
Kappróður á fjarðastevnu
194401