Vindorkan á Sandi - biðið er nú um tilboð

Skjótt verður borið at í sambandi við vindorkuna á Sandi.

Fríggjadagin kunngjørdi Umhvørvisstovan, at hon hevur góðkent umhvørvisárinsmetingina hjá SEV.

Og í gjár var biðið um tilboð upp á at gera vindmyllulund vestanfyri Sands bygd. 

Endaligt loyvi er treytað av, at onnur neyðug loyvi, eitt nú loyvi frá náttúrufriðingarmyndugleikum og loyvi frá Sands kommunu kunnu útvegast, sigur Umhvørvisstovan.  

Seinasta freist at senda inn umsókn um loyvi er 15. januar næsta ár.