- Tíðindi, mentan og ítróttur
Játtanin til KT-vørðir skorin niður í helvt
Játtanin til KT-vørðir skorin niður í helvt
Tað ber ikki til at hava eygu við kt-útbúnaðinum og vegleiða næmingar og lærarar við so avmarkaðari arbeiðstíð, sigur formaðurin í Lærarafelagnum
Farna skúlaár fingu fólkaskúlarnir samanlagt umleið 25.000 arbeiðstímar, ella tað, sum svarar til gott 13 ársverk, til kt-vørðirnar. (Savnsmynd: Bjarni Árting Rubeksen))
08.07.2024 - 13:04
Tað kemur illa við, at játtanin til KT-varðauppgávuna í fólkaskúlanum næsta skúlaár er skorin niður í helvtina av tí, ið hon var farna skúlaár.
- Skúlaleiðarar og KT-vørðir eru í døpurhuga, tí tað ber snøgt sagt ikki til at hava eygu við kt-útbúnaðinum og vera til hjálp og vegleiðing hjá næmingum og lærarum við so avmarkaðari arbeiðstíð.
Jacob Eli S. Olsen, formaður í Lærarafelagnum.
Tað sigur formaðurin í Føroya Lærarafelagi, Jacob Eli S. Olsen.
Farna skúlaár fingu fólkaskúlarnir samanlagt umleið 25.000 arbeiðstímar, ella tað, sum svarar til gott 13 ársverk, til kt-vørðirnar.
Næsta skúlaár er játtanin til KT-vørðin skorin meira enn seks ársverk.
Hoyr innslag í útvarptíðindunum:
08072024_Jacob_Eli
Er kopiera
Nýggjastu sendingar í ÚV
Nýggjastu sendingar í SV
