NSÍ sendi KÍ úr steypakappingini

NSÍ sendi KÍ úr steypakappingini
Við tveimum málum frá Juliu Naomi Mortensen og einum frá Heidi Sevdal sendi NSÍ klaksvíkingar úr steypakappingini. B36, HB og Víkingur vera eisini í hálvfinalupottinum
Steypavinnararnir í 2023, NSÍ, sendu KÍ út úr ársins útgávu av kappingini í gjár
 
13.06.2024 - 09:07

Julia Naomi Mortensen skeyt tvey mál og Heidi Sevdal eitt, tá NSÍ vann 3-1 og sendi KÍ úr steypakappingini í gjár.

B36, HB og Víkingur vunnu øll sannførandi og vera í hálvfinalupottinum saman við runavíkingum.

NSÍ fekk frálíka byrjan við Løkin í Runavík, har Julia Naomi Mortensen skoraði longu í 3. minutti. Hon var aftur upp á spæl miðskeiðis í hálvleikinum, og so var 2-0 til heimaliðið. 

Sólja Ernstdóttir minkaði um munin tíðliga í seinna hálvleiki, men NSÍ helt fast, og Heidi Sevdal tryggjaði teimum sigurin, tá fýra minuttir vóru eftir av vanligu leiktíðini. 

 

Sannførandi sigrar aðrastaðni

Hinar fjórðingsfinalurnar háttaðu seg, sum væntað frammanundan. B36 vann 3-0 á TB/FCS/Royn, Víkingur vann 12-0 á kvinnunum úr Hoyvík, og HB sendi Skála aftur ígjøgnum tunnilin við 6-0 tapi.

Fyrru hálvfinalurnar í steypakappingini hjá kvinnum verða leiktar 27. august og tær seinnu 25. september. Finalan verður spæld 5. oktober.

 

 

Er kopiera
Nýggjastu sendingar í ÚV
Hósdag 25. juli
Radio Kollafjørð (5:11)
178431
Mikudag 24. juli
Eydna Skaale
178402
Mikudag 24. juli
Morgunlestur mikudagur 24. juli 2024
178381
Mikudag 24. juli
Morgunlestur týsdagur 23. juli 2024
178380
Nýggjastu sendingar í SV
Týsdag 23. juli
Olympiski dreymurin
178369
Týsdag 23. juli
Veðrið
178367
Mánadag 22. juli
Hin rusuti á Aconcagua (4:10)
177776
Fríggjadag 19. juli
Veðrið
178247
Fríggjadag 19. juli
Óli Mittún og Eivør Pálsdóttir
178182