Blinken: Ísrael tekur undir við vápnahvíld

Amerikanski uttanríkisráðharrin Antony Blinken er á vitjan í Ísrael í dag. 

Hann sigur við fjølmiðlar, at ísraelski forsætisráðharrin Benjamin Netanyahu hevur sagt seg stuðla uppskotinum um vápnahvíld, sum nú verður tosað um.

Blinken sigur, at teir báðir vóru á fundi, og at Netanyahu har enn einaferð segði seg stuðla uppskotinum.

Eitt umboð fyri palestinska yvirgangsfelagsskapin Hamas hevur sagt við Reuters tíðindastovuna, at Hamas góðtekur samtyktina um vápnahvíld, sum er góðtikin í ST-trygdarráðnum.

Blinken sigur, at hetta er gott tekin.