Landsdjóralæknin: ILA-sjúkan ikki breitt seg

- Higartil er einki, sum bendir á, at ILA-sjúkan á Vágsfirði hevur breitt seg til onnur øki í landinum. 

Tað sigur Birna Mørkøre, landsdjóralækni.

Bakkafrost er liðugt at tøma teir báðar aliringarnar á Vágsfirði, har ILA er staðfest.

Hinir níggju aliringarnir í Vágsfirði, har ongin ILA-sjúka er staðfest, skulu sambært kunngerð eisini tømast - helst innan tveir mánaðir. 

- Men støða kann takast til at leingja freistina, sigur Birna Mørkøre, Landsdjóralækni.

Hoyr innslag í útvarpstíðindunum