Treytir um gransking í PKU-kortunum

Treytir um gransking í PKU-kortunum
Nú PKU-kortini eru komin í varðveitslu hjá Heilsustýrinum í Føroyum, skal kunngerð gerast um, hvussu Heilsustýrið skal umsita tey
PKU verður eisini kallað hælroynd.
 
24.05.2024 - 06:21

Nú PKU-kortini eru komin í varðveitslu hjá Heilsustýrinum í Føroyum, skal kunngerð gerast um, hvussu Heilsustýrið skal umsita tey.

PKU-roynd, ella hælroynd, er ein kanning, sum verður bjóðað øllum nýføðingum, fyri at kanna um nýføðingurin hevur nakrar ávísar sjúkur.

Sambært uppskotinum um kunngerð, skal landsstýrisfólkið í heilsumálum velja nevnd fjórða hvørt ár, sum ger av, um granskingarverkætlanir kunnu fáa loyvi at granska í PKU-kortskránni.

Áðrenn loyvi verður givið til gransking í PKU-kortskránni, skal Vísindasiðseminevndin hava góðkent granskingarverkætlanina.

Í uppskotinum um kunngerð stendur, at fyri at sleppa at granska í PKU-kortskránni, skal granskingarverkætlanin vera mett at hava munandi samfelagsligan týdning.

Hon skal haraftrat koma við týðandi íkasti til føroyska heilsugransking, sum kann koma føroyska fólkinum til gagns. 
 

Er kopiera
Nýggjastu sendingar í ÚV
Leygardag 15. juni
Upp á tá - 150624
176790
Leygardag 15. juni
Jambalaja - 150624
176785
Leygardag 15. juni
EM tíðindi - 150624
176776
Leygardag 15. juni
Vikan 15. juni 2024
176774