SEV skal bjóða bíligari streym, tá eingin olja verður brúkt

SEV skal bjóða bíligari streym, tá eingin olja verður brúkt
Løgtingið hevur samtykt at broyta elveitingarlógina
Streymurin skal vera bíligari, tá varandi orka verður brúkt. (Savnsmynd)
 
24.05.2024 - 08:26

SEV skal nú gera eina prísskipan, sum bjóðar bíligari streym, tá SEV brúkar lítla ella onga olju.

Lægri prísur kann ásetast fyri bæði elprísin og fyri netprísin, og ætlanin er, at slík skipan er klár innan eitt ár.

Tað skrivar Umhvørvismálaráðið, nú elveitingarlógin er broytt.

 

Bygnaðurin tillagast

Lógarbroytingin staðfestir, at SEV varðveitir sín samhaldsfasta lut sum neteigari og kervisábyrgdari uttan kapping við onnur. 

SEV skal tí skjótast gjørligt tillaga bygnaðin og viðtøkurnar, so elframleiðsla og annað virksemi, sum verður útint í kapping við onnur, verður skipað í egið felag.

Fjarhitavirksemi fær loyvisskipan, sum er rættiliga lík henni, sum er galdandi á eløkinum.

 

Fjarhitabrúkarar skulu hava betri brúkaravernd. (Savnsmynd)

 

Fjarhitafeløg skulu vera gjøgnumskygd

Krøv verða sett fjarhitafeløgum, sum tryggja fjarhitabrúkarum størri gjøgnumskygni í prísum og betri brúkaravernd.

Tey skulu eisini tryggja, at fjarhitafeløg ikki brúka ov nógva olju.

Eisini er ein ognartøkuheimild útvegað til orku- og fjarhitaútbyggingar. 

Ingilín D. Strøm, landsstýriskvinna, ætlar at taka arbeiðið at skipa ein elmarknað við einum fjølbroyttum søluliði og eginframleiðslu fram aftur í heyst.

Er kopiera
Nýggjastu sendingar í ÚV
Leygardag 15. juni
Upp á tá - 150624
176790
Leygardag 15. juni
Jambalaja - 150624
176785
Leygardag 15. juni
EM tíðindi - 150624
176776
Leygardag 15. juni
Vikan 15. juni 2024
176774