Óli ímóti Jóhan: Stór føroyingauppgerð í Partille

Óli ímóti Jóhan: Stór føroyingauppgerð í Partille
IK Sävehof og Óli Mittún taka ímóti Flensburg og Jóhan á Plógv Hansen í fjórðingsfinaluni í Evropa League. Hákun West av Teigum og Füchse Berlin spæla heima ímóti Nantes
Óli Mittún og Jóhan á Plógv Hansen hittast í European League í dag
Mynd: Bjarni Árting Rubeksen  
 
23.04.2024 - 15:26

Stór føroyingauppgerð verður í Partille Arena í dag, har Óli Mittún og IK Sävehof taka ímóti Flensburg og Jóhan og Plógv Hansen í fjórðingsfinaluni í European League.

Hákun West av Teigum og Füchse Berlin spæla eisini fjórðingsfinalu í somu kapping. Týska høvuðsstaðarfelagið tekur ímóti franska liðnum Nantes, sum so seint sum leygardagin vann á PSG í fronsku steypafinaluni.

 

Áskoðaramet í Partille

Stórur áhugi er fyri dystinum millum IK Sävehof og Flensburg, sum hevur fleiri skandinavar á liðnum, millum annað svenska landsliðsspælaran, Jim Gottfridsson.

Sambært portal.fo verður talan um áskoðaramet hjá Sävehof, har Óli Mittún hevur verið stórspælandi síðstu tíðina. Jóhan á Plógv Hansen og Flensburg mugu kortini metast at vera favorittur í dag í dystinum, sum byrjar klokkan 17:45.

Hans Lindberg spældi á høgra veingi hjá Füchse Berlin í javnleikinum ímóti Eliasi Ellefsen á Skipagøtu og Kiel um vikuskiftið. Tískil kann roknast við, at Hákun West av Teigum fær spælitíð í Max-Schmeling-Halle í kvøld. Dysturin ímóti Nantes er klokkan 19:45.

 

 

 

Er kopiera
Nýggjastu sendingar í ÚV
Leygardag 15. juni
Upp á tá - 150624
176790
Leygardag 15. juni
Jambalaja - 150624
176785
Leygardag 15. juni
EM tíðindi - 150624
176776
Leygardag 15. juni
Vikan 15. juni 2024
176774