Ósemjan loyst: Helgi Dam Ziska er aftur á talvlandsliðnum

Ósemjan loyst: Helgi Dam Ziska er aftur á talvlandsliðnum
Ósemjan, sum fekk okkara besta telvara at taka seg av landsliðnum í fjør heyst, er greidd í sátt og semju millum partarnar
Helgi Dam Ziska er aftur á føroyska talvlandsliðnum eftir ósemju
Mynd: Talvsamband Føroya  
 
15.04.2024 - 10:29

Helgi Dam Ziska er aftur á føroyska talvlandsliðnum.

Talvsambandið hevur kunngjørt, hvørjir skulu telva fyri Føroyar á á talvolympiaduni í Ungarn í heyst, og føroyski stórmeistarin er í hópinum.

Ósemjan, sum fekk okkara besta telvara at taka seg av landsliðnum í fjør heyst, tá Føroyar luttóku í kappingini fyri smátjóðir í Evropa umframt í stóru EM-stevnuni, er nú greidd í sátt og semju millum partarnar, skrivar Talvsambandið.

Føroyska landsliðið verður annars júst hitt sama sum á seinastu OL-kappingini í Chennai í India í august 2022. Umframt Helga Dam Ziska eru Høgni Egilstoft Nielsen, Rógvi Egilstoft, Luitjen Akselsson Apol og John Rødgaard í landsliðshópinum.

Talvolympiadan verður í Budapest í døgunum frá 10. september til 23. september.

Limalondini í altjóða talvsambandinum eru nú 203 í alt. Eftir nýggjasta styrkilistanum, ið kunngjørdur var 1. apríl, standa Føroyar nummar 76 í røðini av heimsins 203 talvtjóðum.

Er kopiera
Nýggjastu sendingar í ÚV
Mikudag 22. mai
Morgunlestur mikudagur 22. mai 2024
175330
Mikudag 22. mai
LEITISSTEIN 21.05.2024 (Týr)
175393
Týsdag 21. mai
Samværi 036 - at útseta
175144
Týsdag 21. mai
Góðan morgun Føroyar 21.05.24
175349
Nýggjastu sendingar í SV
Mikudag 22. mai
Dagur og vika - teknmálstulkað
175403
Týsdag 21. mai
Veðrið
175373
Mánadag 20. mai
Suð í Keypmannahavn
175066