Nýggjur forsætisráðharri í Írlandi

Nýggjur forsætisráðharri í Írlandi
Simon Harris, sum eisini er nýggjur formaður í stjórnarflokkinum Fine Gael, tekur við eftir Leo Varadkar
Simon Harris tekur við sum forsætisráðharri í Írlandi eftir Leo Varadkar. (Mynd: The Independent)
 
09.04.2024 - 14:26

Írland hevur fingið nýggjan forsætisráðharra. 

Semja er í írska tinginum um, at Simon Harris skal vera forsætisráðharri.

Hann var frammanundan millum tey fremstu, favorittur, at taka við eftir Leo Varadkar, sum í mars mánaði boðaði frá sær, at hann leggur frá sær.

 

Fólkaatkvøða gekk ikki eftir vild

Leo Varadkar legði frá sær eftir at fólkaatkvøðu í Írlandi í februar, um at broyta ávísa orðingar í stýrisskipanarlógini, - orðingar, sum Leo Varadkar heldur vera ótíðarhóskandi og sexistiskar. 

Í stýrisskipanini, sum er frá 1937, stendur millum annað, at skyldurnar hjá mammuni eru heima við hús, og tað vildi Varadkar broyta.

Men írska fólkið vrakaði broytingina í stýrisskipanini. Varadkar legði tá eisini frá sær sum formaður í stjórnarflokkinum Fine Gael.

Simon Harris, komandi forsætisráðharri, er eisini nýliga valdur til formann í stjórnarflokkinum Fine Gael, og er yngsti forsætisráðharri higartil í Írlandi. Hann er 37 ára gamal.


 

Er kopiera
Nýggjastu sendingar í ÚV
Fríggjadag 24. mai
Morgunlestur fríggjadagur 24. mai 2024
175332
Hósdag 23. mai
RagnarRokk 23.mai 2023
174510
Hósdag 23. mai
RagnarRokk: Mark Tornillo um Humanoid
174509
Hósdag 23. mai
Jazzofonin - Ron Carter
175494
Nýggjastu sendingar í SV
Mikudag 22. mai
Dagur og vika - teknmálstulkað
175403
Týsdag 21. mai
Veðrið
175373
Mánadag 20. mai
Suð í Keypmannahavn
175066