Álop á iranska konsulatið í Sýria: Sjey fólk dripin

Sjey fólk eru deyð, eftir at iranska konsulátið í Damaskus í Sýria varð álopið í gjár. Tað skrivar danska kringvarpið. 

Sambært iransku garduni er ein av teimum dripnu Mohammed Reza Zahedi, sum er ein høgtstandandi offiserur í Quds, sum sprettir úr iransku garduni. 

Bæði Sýria og Iran geva Ísrael skyldina fyri álopið. 

- Ísraelska álopið á konsulatið vísir sonnu síðuna av Ísrael, sum ger ómenniskjaslig ting fyri at røkka sínum málum. Tað sigur Hossein Akbari, sum er iranskur sendiharri í Sýria, sambært AFP.

Anne Kirstine Rønn, post.doc á London School of Economiscs og serfrøðingur í Miðeystri, metir, at hetta helst er størsta provokatiónin frá ísraelskari síðu móti Iran, síðani Hamas leyp á Ísrael 7. oktober í fjør.