Nú vilja vestmenningar hava tunnilin

Tosað hevur verið um tunnilin til Vestmanna í áratíggju. Nú er stundin komin, at farið verður í gongd, sigur eina av stigtakarunum, Marner Joensen. Bygdin er stór og farleiðin mangan hættislig. Tí skipar bólkurin Ja til Vestmannatunnil fyri stórfundi.

Tað hevur onkuntíð verið ført fram, at ein tunnil til Vestmanna er ein luksustunnil, men hetta er ikki ein grundgeving, sum Marner Joensen tekur undir við.

Tað eru nógv, sum hava havt ringar upplivingar um Høgareyn. Tað er eitt Guds undur, at ikki fleiri vanlukkur eru hendar á Vestmannavegnum, sigur hann.

Landsverk hevur gjørt kanningar av lendinum millum Vestmanna og Kvívík, við einum tunnilsmunna omanfyri Kvívík.

Vestmenningar taka ikki undir við hesi linjuføring. Okkara ynski er, at tunnilsmunnin skal vera við Leynar, ger stigtakarin greitt.