Fleiri flugu í februar, men ikki so nógv sum í 2019 og 2020

Ferðafólkatalið á flogvøllinum í Vágum var 5,7 prosent størri í februar í ár enn í februar í fjør.

Tey vóru 19.021 í februar í ár.

Men tey vóru kortini færri enn í 2019 og 2020, ávikavíst 1,3 prosent og 9,4 prosent.

Í 2020 vóru bestu januar og februar nakrantíð hjá Vága floghavn.

Tað var, áðrenn korona kom í mars.

Higartil í ár eru ferðafólkini 3,1 prosent fleiri enn í 2019, men 5,9 prosent færri enn í 2020.