Greina aftur heilsustøðuna hjá føroyingum

Fólkaheilsustýrið greinar aftur heilsustøðuna hjá føroyingum.

8.000 tilvildarliga vald fólk fáa í hesum døgum innbjóðing sendandi um at vera við í fólkaheilsukanningini ”Hvussu hevur tú tað?” 

Talan er um spurnakanning um heilsu, trivnað og sjúku. 

Málið er at fáa til vega vitan, sum kann brúkast til at meta um fólkaheilsuna í Føroyum. 

Kanningin útvegar upplýsingar um heilsustøðu føroyinga sum heild, so heilsuverk og myndugleikar kunnu brúka tað sum grundarlag fyri at leggja til rættis og raðfesta átøk á heilsuøkinum.