Dialysuviðgerð á Tvøroyri um ársskiftið

Nýggj dialysutól eru sett upp á Suðuroyar sjúkrahúsi, men eingin dyalysuviðgerð verður á Tvøroyri fyrr enn í fyrsta lagi um ársskiftið.

Herfyri var lýst eftir sjúkrarøktarfrøðingum at manna dialysuna á Suðuroyar sjúkrahúsi, men setanartilgongdin bar ikki á mál.

Sjúkrahúsverkið hevur tillagað lýsingina, og hon verður send út í dag.

Verða skikkaðir umsøkjarar til størvini, fáa tey upplæring í dialysusjúkrarøkt á Landssjúkrahúsinum.

Og ætlanin er at fara undir at veita dialysuviðgerð á Suðuroyar sjúkrahúsi um ársskiftið, sigur Landssjúkrahúsið.

Sí innslag í Degi og Viku: