Landsstýrismaðurin: Gransking og menning skulu raðfestast

- Grannalond okkara seta trý prosent av BTÚ av til gransking, menning og nýskapan. Tað er ikki eitt realistiskt mál hjá okkum í løtuni, men hetta skal raðfestast nógv hægri. 

Tað sigur Djóni Nolsøe Joensen, landsstýrismaður í barna- og útbúgvingarmálum, nú Ráðið fyri gransking, menning og nýskapan mælir til at brúka trý prosent av bruttotjóðarúrtøkuni til økið.

Ráðið fyri gransking, menning og nýskapan - Mynd: Granskingarráðið

Ráðið fyri gransking, menning og nýskapan. (Mynd: Granskingarráðið)

Grannalond okkara býta játtanina soleiðis, at tað almenna letur eitt prosent og vinnulívið tvey prosent.

Djóni Nolsøe Joensen er sinnaður at hækka játtanina til gransking, men tað er ikki greitt, hvussu nógvur peningur verður latin til gransking á hvørjum ári.

Hoyr innslag í útvarpstíðindunum: