Jenis og Jacob ikki við uttanlandsnevndini í Grønlandi

09.06.2023 - 11:31

Aktuelt›Politikkur

Fyrrverandi landsstýrismaðurin í uttanríkismálum og umboðið hjá Fólkaflokkinum í uttanlandsnevndini siga, at uttanríkispolitikkurin gongur gjøgnum landsstýrið

Krista Johnsdóttir Kreutzmann

Jenis av Rana og Jacob Vestergaard eru limir í uttanlandsnevndini, men teir eru ikki við á ferðini í Grønlandi. (Savnsmynd: Bjarni Árting Rubeksen)

Uttanlandsnevndin vitjar hesa vikuna í Grønlandi saman við donsku uttanríkispolisku nevndini og grønlendsku uttanríkis- og trygdarpolitisku nevndini.

Endamálið er nýtt samstarv millum nevndirnar.

Hvørki Jenis av Rana, fyrrverandi landsstýrismaður í uttanríkismálum, og Jacob Vestergaard, sum umboðar Fólkaflokkin í uttanlandsnevndini, eru við á ferðini í Grønlandi.

Teir siga, at uttanríkispolitikkurin gongur gjøgnum landsstýrið, sum síðani kunnar uttanlandsnevndina um uttanríkismál.

Hoyr innslag í útvarpstíðndunum:

09062023_Jenis_og_Jacob_um_uttanlandsnevnd