Ísland letur sendistovuna í Moskva aftur

Íslendska sendistovan í Moskva letur aftur 1. august, skrivar RÚV.

Sambært íslendska uttanríkismálaráðnum letur sendistovan aftur, tí virksemið har ikki verður raðfest, og lítið samband er við Russland í løtuni.

Myndugleikarnir vænta eisini, at russarar fara at taka fólk heim úr síni sendistovu í Íslandi, og at eingin russiskur sendiharri verður í Íslandi.

Ísland hevur ætlanir um at lata sendistovuna í Russlandi upp aftur, tá støðan broytist, skrivar RÚV.