Føroyingar ætla at keypa íslendska partapeningin í Orkufelagnum

Smápartafelagið 27.juni 2007 ætlar at yvirtaka partabrøvini hjá íslendska Skel Fjárfestingarfélag í smápartafelagnum Orkufelagnum.

Tað hevur Kappingareftirlitið fingið fráboðan um.

Talan er um 42 prosent av partapeninginum í Orkufelagnum. 

Orkufelagið eigur allan partapeningin í Magni.

Palli hjá Marionnu eigur øll partabrøvini í 27.juni 2007.

Kappingareftirlitið skal taka støðu til yvirtøkuna.

Tað vil hava møguligar viðmerkingar um yvirtøkuna í seinasta lagi 2.mai.