Jólakalendari í útvarpinum: Snjósystirin

Um KVFTíðindi
Jólakalendari í útvarpinum: Snjósystirin
Snjósystirin er ein vøkur, fjálg og kenslulig søga um jólalongsulin, sum helst øll kenna seg aftur í. Hvønn dag fram til jólaaftan verður ein partur í útvarpinum og á kvf.fo
 
11/29/2022 - 12:25

Snjósystirin er jólakalendarin í barnaútvarpinum 2022. Ein søga í 24 pørtum.

Søgan snýr seg um Jóal, sum hevur føðingardag sjálvan jólaaftan, og tí plagar jólaaftan at vera besti dagur í árinum. Men í ár er einki, sum tað plagar at vera. Tí Jóal og familjan syrgja stórusystrina, Juni, sum er deyð.

Jóal heldur, at jólini rætt og slætt eru avlýst. Men ein dagin hittir hann ta lívsglaðu Hildigunn. Hon minnir hann á, hvussu góð jólini kunnu vera. Hon bjóðar honum heim til teirra í Villa Kvist at drekka kakao og eta siropskøkur, og Jóal fer so smátt aftur at trúgva, at jólini kunnu koma kortini.

Men okkurt er við húsunum, sum Hildigunn býr í. Og hvør er hasin gamli maðurin, sum er í garðinum uttanfyri? Og hvat er tað, sum Hildigunn ikki vil tosa um?

 

Ein søga ætlað stórum og smáum

Snjósystirin er ein vøkur, fjálg og kenslulig søga, sum er um allan tann jólalongsul, ið vit øll so væl kunnu kenna okkum aftur í.

Ein søga at taka fram aftur og aftur, har til ber at frøa seg um at vera á lívi og at ynskja sær og hvørjum øðrum eini góð og gleðilig jól.

Bókin um Snjósystrina er vøkur bók, sum kom út á føroyskum í 2019, myndirnar hevur Lisa Aisato teknað. Maja Lunde hevur skrivað, og Jákup í Skemmuni týddi til føroyskt. Bókadeild Føroya Lærarafelags gav bókina út.

 

Hvønn dag fram til jóla

Í útvarpinum verður jólakalendarin um Snjósystrina at hoyra hvønn morgun kl. 7.15. Leygarmorgun og sunnumorgun kl. 10.05.

Eisini verða partarnir lagdir út á heimasíðuna, so hvørt teir verða sendir.

 

Tey leikandi eru:

Sølvi Næs Hoydal, Sanna Bæk Hoydal, Leo Lávík, Lív Højsted Horsdal, Bjørn M. Mohr, Hans Tórgarð.

Páll Danielsen leikstjórnar, og Finnur Hansen ger ljóðmyndina. 

 

Nýggjastu sendingar í ÚV
Hósdag 2. februar
LEITISSTEIN 31.01.2023 (Sakaris)
151878
Hósdag 2. februar
RagnarRokk 2.februar 2023
151399
Hósdag 2. februar
RagnarRokk: Mick Box um Chaos & Colour
151397
Hósdag 2. februar
Ljóarin 2. februar 2023
151886
Nýggjastu sendingar í SV
Hósdag 2. februar
Foytar greyðir (2:3)
151840
Týsdag 31. januar
Jørðin II: Oyggjar (1:6)
119181
Sunnudag 29. januar
Andakt við Peter Fleetwood
151642
Sunnudag 29. januar
Guðstænasta úr Glyvra kirkju
151640

Um kvf css