Aftur ein á Skipagøtu til svenskan hondbólt

27.11.2022 - 19:53
ÍtrótturHondbóltur
Aftur ein á Skipagøtu til svenskan hondbólt
Næsta kappingarár skiftir Rói á Skipagøtu úr H71 til IF Hallby í svenskum hondbólti og verður sostatt triði føroyingurin í bestu deildini
Rói á Skipagøtu skiftir eftir hetta kappingarárið til IF Hallby í bestu svensku deildini
Mynd: laget.se  
 

Rói á Skipagøtu fer úr H71 til svenska hondbóltsfelagið, IF Hallby, í bestu deildini.

Tað skrivar felagið á heimasíðu síni. Bakkurin skiftir felag eftir hetta kappingarárið.

 - Fyrst og fremst eri eg glaður fyri at fáa møguleikan at spæla á hægri stigi og sleppa at menna meg sum spælara, segði Rói á Skipagøtu við heimasíðuna hjá IF Hallby.

Í løtuni spæla beiggin, Elias á Skipagøtu, og systkinabarnið, Óli Mittún, við IK Sävehof, sum er nummar tvey í bestu deildini.

Eftir hetta kappingarárið fer Elias á Skipagøtu víðari til týska stórfelagið Kiel.

 - Eg havi havt áhuga fyri svensku kappingini, tí bæði beiggi mín og systkinabarn mítt spæla í IK Sävehof. Mín fatan er, at kappingin er góð, og tá eg vitjaði í Hallby, dámdi mær væl venjararnar og liðið, og eg vænti, at felagið verður gott fyri meg, sigur 19 ára gamli vinstribakkurin.

Í næstbestu svensku deildini gongst væl hjá Pæturi Mikkjalsson, og felagi hansara, AMO. Higartil hevur AMO, sum er nummar tvey, vunnið níggju og spælt tveir javnleikir.

Er kopiera
Nýggjastu sendingar í ÚV
Leygardag 28. januar
Jambalaja 280123
151616
Leygardag 28. januar
Upp á tá 270123
151608
Leygardag 28. januar
Morgunlestur leygardagur 28. januar 2023
151143
Fríggjadag 27. januar
RagnarRokk: Donald Tardy um Dying of Everything
151565
Nýggjastu sendingar í SV
Hósdag 26. januar
Foytar greyðir 1
151528
Týsdag 24. januar
Vísindavøka 2022
151430
Mánadag 23. januar
Møti úr Meinigheitshúsinum
151337
Sunnudag 22. januar
Hvør veit?
151287
Sunnudag 22. januar
Andakt við Tummas Jacobsen
151286