Jóannes fylgir Mikkjali til Fredrikstad

23.11.2022 - 11:01
ÍtrótturFótbóltur
Jóannes fylgir Mikkjali til Fredrikstad
Jóannes Bjartalíð fylgir fyrrverandi KÍ-venjaranum, Mikkjali Thomassen, til Fredrikstad FK. Tað kunngjørdi norska 2. deildarfelagið fyri løtu síðan
Jóannes Bjartalíð skiftir nú bláu KÍ-blusuna út við ta hvítu hjá Fredrikstad
Mynd: fredrikstadfk.no  
 

Jóannes Bjartalíð fylgir Mikkjali Thomassen til Fredrikstad FK í næstbestu norsku deildini.

Bolt.fo skrivaði í gjár, at Jóannes Bjartalíð, sum hevur verið ein av bestu miðvallarunum í føroyskum fótbólti síðstu árini, var seldur til Fredrikstad, og nú váttar norska felagið keypið.

Álopshugaði miðvallarin, sum fyri kortum var valdur til ársins landsliðsspælara, hevur skrivað undir trý ára sáttmála við Fredrikstad.

 - Eg eri bæði glaður og errin av at hava skrivað undir við FFK. Hetta er ein dreymur, og eg gleði meg at byrja upp á ein nýggjan kapittul her í Fredrikstad, sigur Jóannes Bjartalíð við heimasíðuna hjá norska felagnum.

Í gjár kunngjørdi KÍ, at 42 ára gamli Magne Hoseth verður nýggjur venjari í Klaksvík, men norðmaðurin verður noyddur at klára seg uttan miðvallaran, sum kanska hevur verið týdningarmesti spælarin hjá KÍ seinastu nógvu árini.

 - Bjartalíð er eldhugaður og ágangandi í sínum spæli og hevur eina orku og dirvi, sum smittar av. Hann er rennistyrki, álopsdygdir og eitt vinstrabein við krúti í, sigur ítróttarstjórin, Joacim Heier.

 

Er kopiera
Nýggjastu sendingar í ÚV
Leygardag 28. januar
Jambalaja 280123
151616
Leygardag 28. januar
Upp á tá 270123
151608
Leygardag 28. januar
Morgunlestur leygardagur 28. januar 2023
151143
Fríggjadag 27. januar
RagnarRokk: Donald Tardy um Dying of Everything
151565
Nýggjastu sendingar í SV
Hósdag 26. januar
Foytar greyðir 1
151528
Týsdag 24. januar
Vísindavøka 2022
151430
Mánadag 23. januar
Møti úr Meinigheitshúsinum
151337
Sunnudag 22. januar
Hvør veit?
151287
Sunnudag 22. januar
Andakt við Tummas Jacobsen
151286