Oljufeløg spyrja javnan Jarðfeingi um dátur

21.11.2022 - 08:26
AktueltPolitikkur
Oljufeløg spyrja javnan Jarðfeingi um dátur
Høgi oljuprísurin og høgi gassprísurin gera okkara undirgrund áhugaverda, sigur Umhvørvis- og Vinnumálaráðið
Í vetur er ætlanin at leggja fram uppskot um lóg um grundvatn, sum Jarðfeingi ætlandi skal fyrisita. 
Mynd: Bjarni Árting Rubeksen  
 

Hetta seinasta árið hevur Jarðfeingi fingið fleri fyrispurningar enn undanfarin ár frá útlendskum oljufeløgum, sum hava áhuga fyri føroysku undirgrundini.

Áhaldandi leitingin í bretskum øki beint við føroyska markið ger, at oljufeløg javnan biðja Jarðfeingi um jarðfrøðiligar dátur.

Og høgi oljuprísurin og høgi gassprísurin gera okkara undirgrund áhugaverda.

Tað hevur Fíggjarnevndin hjá løgtinginum fingið at vita frá Umhvørvis- og Vinnumálaráðnum.

Annars eru nú nøkur ár síðani, at seinasta loyvið at leita eftir olju og gassi í føroyska landgrunninum var latið innaftur.

 

Játtanin eigur ikki at minka

Fíggjarnevndin spurdi eisini landsstýrismannin, um Jarðfeingi skal halda fram við sama virksemi, sama um olja verður funnin ella ikki, tað er, um stovninum nýtist so stóra játtan.

Landsstýrismaðurin svarar, at jarðfrøðingarnir hjá Jarðfengi, sum eru í toyminum, sum fæst við leiting eftir olju og gassi, eisini røkja aðrar uppgávur, millum annað vatnið í føroysku undirgrundini. 

Í vetur er ætlanin at leggja fram uppskot um lóg um grundvatn, sum Jarðfeingi ætlandi skal fyrisita. 

Tískil er Jarðfeingi í løtuni í eini spennandi menning, sum eigur at halda fram, svarar landsstýrismaðurin, sum ikki heldur, at játtanin eigur at minka.
 

Er kopiera
Nýggjastu sendingar í ÚV
Hósdag 2. februar
LEITISSTEIN 31.01.2023 (Sakaris)
151878
Hósdag 2. februar
RagnarRokk 2.februar 2023
151399
Hósdag 2. februar
RagnarRokk: Mick Box um Chaos & Colour
151397
Hósdag 2. februar
Ljóarin 2. februar 2023
151886
Nýggjastu sendingar í SV
Hósdag 2. februar
Foytar greyðir (2:3)
151840
Týsdag 31. januar
Jørðin II: Oyggjar (1:6)
119181
Sunnudag 29. januar
Andakt við Peter Fleetwood
151642
Sunnudag 29. januar
Guðstænasta úr Glyvra kirkju
151640