Ukrainar brotið verjugarðin hjá russum í Kherson

bannari
30.08.2022 - 10:57
AktueltÚtheimurin
Ukrainar brotið verjugarðin hjá russum í Kherson
Talsmaður fyri ukrainska forsetan sigur, at ukrainski herurin hevur eisini rakt ferjur, sum flyta russiska herinum útgerð
Russland hevur valdið í býnum Kherson, men í morgun siga tíðindini, at ukrainskar deildir hava brotið verjugarðin kring býin.
Mynd: Ritzau Scanpix  
 

Ovasti ráðgevin hjá ukrainska forsetanum, Zelenskyj, sigur í morgun, at ukrainsku herdeildirnar hava brotið ígjøgnum russiska verjugarðin um býin, Kherson. Tað er hent á fleiri hermótum við býin, sigur ráðgevin, Oleksij Arestovytj.

Tað hendir eftir eitt álop, sum vardi fáar tímar, sigur hann.

Hann sigur samstundis, at tað hevur eydnast ukrainska herinum at raka fleiri ferjur, sum skulu flyta russiska herinum útgerð.

Tað er ikki møguligt at fáa tíðindini váttað, skrivar DR.

 

Krevur nógv mannalív

Tað er ikki nógv at frætta frá ukrainska átakinum har suðuri í landinum, tí ukrainska herleiðslan veit, at átakið fer at krevja nógv mannalív, sigur tíðindakvinnan hjá DR, Matilde Kimer.

Tað er av taktiskum ávum, at ukrainar ikki vilja avdúka, hvussu tætt herurin er við Kherson, tí tað mugu russar ikki fáa at vita, men eingin ivi er um, at ukrainski herurin hevur framgongd, sigur hon.

Ukrainar vilja siga sum minst, tí vandi er fyri, at álopið fer at krevja nógv, bæði av vápnum og fólki, sigur Matilde Kimer.

 

Umboð fyri ST-kjarnorkustovnin, IAEA, fara í vikuni at vitja kjarnorkuverkið Zaporitsja í Ukraina.

 

Kanna kjarnorkuverk

Ein bólkur av serfrøðingum frá altjóða kjarnorkustovninum, IAEA, komu í gjárkvøldið til Kyiv í Ukraina, skrivar The Guardian.

Sambært stjóranum í IAEA, fara fólkini at vitja kjarnorkuverkið í Zaporitsja frá í morgin til leygardagin.

Seinastu tíðina er verkið, sum russar hava valdið á, rakt av fleiri rakettum, og eisini í gjár raktu rakettir verkið.

Russarar vilja vera við, at tað er ukrainski herurin, sum skjýtur rakettir eftir verkinum.

Serfrøðingarnir frá ST skulu kanna, um kjarnorkuverkið virkar sum tað skal, og um verkið hevur fingið skaða av álopunum, skrivar The Guardian.

Er kopiera
Nýggjastu sendingar í ÚV
Fríggjadag 9. desember
HM tíðindi 9 des 2022
149220
Fríggjadag 9. desember
Góðan morgun Føroyar 09. desember 2022
149185
Fríggjadag 9. desember
Morgunlestur fríggjadagur 9. desember 2022
148413
Hósdag 8. desember
RagnarRokk: Tim Bowness um Butterfly Mind
148284
Hósdag 8. desember
RagnarRokk: David Readman um Medusa
148283
Nýggjastu sendingar í SV
Hósdag 8. desember
Løgtingsval 2022
149167
Mikudag 7. desember
Valfundur á Skúlatrøð, Klaksvík
149039
Týsdag 6. desember
Framsókn í Tinginum
148999
Mánadag 5. desember
Sjálvstýri í Andglettinum
148753