Kríggið vart í hálvt ár - ymisk tøl um mannfall

bannari
24.08.2022 - 09:43
AktueltÚtheimurin
Kríggið vart í hálvt ár - ymisk tøl um mannfall
Ukraina sigur, at 45.000 russiskir hermenn eru falnir, men russar siga, at 1.351 hermenn vóru falnir til 25. mars
Ukrainskir hermenn. Í dag hevur kríggið millum Russland og Ukraina vart í hálvt ár.
Mynd: Ritzau Scanpix  
 

Nú kríggið í Ukraina hevur vart í eitt hálvt ár, eru ymiskar uppgerðir gjørdar.

M.a. verður upplýst, at 9.000 ukrainskir hermenn eru falnir í krígnum. Tað segði ukrainski herovastin, Valerij Zaluzjnyj, í gjár, men tað hevur ikki borið til at kanna upplýsingarnar, skrivar DR.

Myndugleikarnir í Ukraina siga, at 45.500 russiskir hermenn eru falnir hesar seks mánaðirnar, sum kríggið hevur vart. Russland hevur ikki almannakunngjørt tøl síðani 25. mars, og tá var upplýst, at 1.351 russiskir hermenn vóru falnir.

Sambært amerikonsku fregnartænastuni, CIA, eru 15.000 russiskir hermenn falnir.

Tað hevur heldur ikki borið til at kanna tær upplýsingarnar, og heldur ikki, hvussu nógv sivilfólk eru deyð í krígnum.

 

6,6 milliónir ukrainar eru flýddir av landinum, sigur ST. (Mynd: Ritzau Scanpix)

 

Nógv flóttafólk

Sambært ST eru 6,6 milliónir ukrainsk flóttafólk í ymsum londum í Europa.

5. juli segði ukrainski forsætisráðharrin, Denis Shmyhal, at tað fer at kosta 5.590 milliardir kr. at byggja Ukraina upp aftur.

Ein uppgerð frá Institute for the World Economy vísir, at higartil hevur Ukraina fingið 624 milliardir kr. í stuðuli úr øðrum londum. Tann upphæddin hækkar í næstum, tí USA arbeiðir við einum hjálparpakka til Ukraina, sum er upp á 22 milliardir kr.

 

Herða ikki álopini

Tosað hevur verið um, at Russland fór at herða álopini í Ukraina í dag, men tað er ikki hent.

Nú sigur russiski verjumálaráðharrin, Sergei Shoigu, sambært tíðindastovuni, Tass, at Russland ikki fer at leypa á, og tað verður gjørt fyri at verja sivilfólk.

Ta avgerðina hava russisku myndugleikarnir tikið, sigur verjumálaráðharrin.
 

Er kopiera
Nýggjastu sendingar í ÚV
Hósdag 8. desember
RagnarRokk: Tim Bowness um Butterfly Mind
148284
Hósdag 8. desember
RagnarRokk: David Readman um Medusa
148283
Hósdag 8. desember
Góðan morgun Føroyar 08. desember 2022
149097
Hósdag 8. desember
Morgunlestur hósdagur 8. desember 2022
148412
Hósdag 8. desember
LEITISSTEIN 06.12.2022
149084
Nýggjastu sendingar í SV
Hósdag 8. desember
Løgtingsval 2022
149167
Mikudag 7. desember
Valfundur á Skúlatrøð, Klaksvík
149039
Týsdag 6. desember
Framsókn í Tinginum
148999
Mánadag 5. desember
Sjálvstýri í Andglettinum
148753