Veitingarráðstevna í Danmark fyri Ukraina

bannari
11.08.2022 - 10:38
AktueltÚtheimurin
Veitingarráðstevna í Danmark fyri Ukraina
24 lond eru í dag á einari veitingarráðstevnu í Danmark, ið hevur til endamáls at geva fíggjarliga og aðra hjálp til Ukraina í krígnum móti Russlandi
Morten Bødskov, danskur verjumálaráðharri, og Mette Frederiksen, danskur forsætisráðharri
Mynd: Ritzau / Scanpix  
 

Í dag er altjóða ráðstevna fyri Ukraina á Christiansborg. Danmark er vertur saman við Stórabretlandi og Ukraina. 

24 lond eru við á ráðstevnuni.

Endamálið við ráðstevnuni er at geva fíggjarliga hjálp til Ukraina.

Londini, sum eru við á ráðstevnuni, fara at skifta orð um trý øki, sigur Morten Bødskov, danskur verjumálaráðharri. 

"Útflýggjan av vápnum, venjing av ukrainsku verjuni, og hjálp til at rudda minur. Tað eru tey  trý evnini, sum eg og fleiri enn 20 starvsfelagar fara at kjakast um á Christiansborg í dag," segði Morten Bødskov

 

Zelenskyj setti ráðstevnuna

Forsetin í Ukraina, Volodymyr Zelenskyj, setti ráðstevnuna. Danski verjumálaráðharrin, Morten Bødskov, heldur, at tað hevur avgerandi týdning fyri ráðstevnuna, at ukrainski forsetin er við.

"Tað er ein heiður fyri Danmark og okkum, sum eru við á ráðstevnuni, at Zelenskyj er sinnaður at brúka tíð upp á at seta ráðstevnuna, ímeðan kríggið herjar. Hetta samskiftið er avgerandi," segði danski verjumálaráðharrin.

Zelenskyj ávaraði í síni talu um, at tað er vandi fyri einari kjarnorkuvanlukku sum henni í Tjernobyl í 1986. Ukrainski forsetin vísti á kjarnorkuverkið Zaporizjzja í Ukraina, sum liggur í krígsherjaða partinum av Ukraina.

"Vit mugu verja Evropa móti hesi hóttan," segði Volodymyr Zelenskyj umvegsi eina videoleinkju. 

 

Hoyr innslag frá Kaj Joensen av Christiansborg her:

1543063

 

Danmark letur 820 mió. kr. afturat

Í síni talu kallaði ukrainski forsetin enn einaferð Russland fyri ein yvirgangsstat og bað um meira vápn, lóður og fíggjarligan stuðul. 

Sambært Politiken, so fer Mette Frederiksen, forsætisráðharri, at lova 820 milliónir krónur aftrat í fíggjarligari hjálp til Ukraina, peningurin skal brúkast til vápn og venjing av herinum.

 

Londini, ið eru við, eru:

Norge, Svøríki, Ísland, Finnland, Lettland, Estland, Litava, Póland, Kekkia, Holland, Slovakia, Týskland, USA, Bulgaria, Rumenia, Japan, Avstralia, Ukraina, Stórabretland, Danmark, Frakland, Georgia, Nýsæland ogm Kanada.

Flestu londini hava sent verjumálaráðharrarnar til ráðstevnuna, men ikki øll londini. 

ES er eisini umboðað á ráðstevnuni. 

Er kopiera
Nýggjastu sendingar í ÚV
Leygardag 28. januar
Jambalaja 280123
151616
Leygardag 28. januar
Upp á tá 270123
151608
Leygardag 28. januar
Morgunlestur leygardagur 28. januar 2023
151143
Fríggjadag 27. januar
RagnarRokk: Donald Tardy um Dying of Everything
151565
Nýggjastu sendingar í SV
Hósdag 26. januar
Foytar greyðir 1
151528
Týsdag 24. januar
Vísindavøka 2022
151430
Mánadag 23. januar
Møti úr Meinigheitshúsinum
151337
Sunnudag 22. januar
Hvør veit?
151287
Sunnudag 22. januar
Andakt við Tummas Jacobsen
151286