Russland ákærir ukrainar fyri brotsverk móti mannaættini

bannari
25.07.2022 - 10:26
AktueltÚtheimurin
Russland ákærir ukrainar fyri brotsverk móti mannaættini
Fólk úr Bretlandi, Kanada, USA og Hollandi verða eisini kannað, tí Russland sigur, at tey eru leiguhermenn
Russland og Ukraina eru farin at ákæra hvørt annað fyri krígsbrotsverk. (Savnsmynd: Ritzau Scanpix)
 

Russland ákærir nú 92 ukrainar fyri "brotsverk móti mannaættini".

Tað sigur leiðarin hjá russisku fregnartænastuni, Alexander Bastrykin, í samrøðu við eina russiska heimasíðu, skrivar TV2, ið endurgevur BBC og The Telegraph.

Samstundis kannar Russland eisini 1.300 onnur mál, ið landið sigur hava samband við herin í Ukraina og politiskar felagsskapir.

 

Hópoyðingarvápn

Harumframt kannar Russland eisini starvsfólkini í ukrainska heilsumálaráðnum, sum Russland ákærir fyri at menna hópoyðingarvápn.

Fólk úr Bretlandi, Kanada, USA og Hollandi verða eisini kannað, tí Russland sigur, at tey eru leiguhermenn.

Hinumegin markið er Ukraina eisini farið undir sínar kanningar av russarum.

Fyrst í juli ljóðaði, at fleiri enn 21.000 mál um krígsbrotsverk skuldu kannast, ið sigst, at russar hava framt móti ukrainum síðani russisku innrásina í februar.

 

200-300 fráboðanir um dagin 

Ríkisákærin, Iryna Venediktova, segði við BBC fyri tveimum vikum síðani, at hon fær 200-300 fráboðanir um krígsbrotsverk hvønn dag.

Altjóða Revsidómsstólurin, ICC, hevur lýst Ukraina sum eitt "brotsstað", og hevur sent fleiri kanningarfólk til landið at kanna møguligu krígsbrotsverkini.

Russland vísir ákærunum frá sær, og ákærir hinvegin Ukraina fyri at bumba undirstøðukervið í landinum og at drepa síni egnu fólk.

Er kopiera
Nýggjastu sendingar í ÚV
Fríggjadag 9. desember
HM tíðindi 9 des 2022
149220
Fríggjadag 9. desember
Góðan morgun Føroyar 09. desember 2022
149185
Fríggjadag 9. desember
Morgunlestur fríggjadagur 9. desember 2022
148413
Hósdag 8. desember
RagnarRokk: Tim Bowness um Butterfly Mind
148284
Hósdag 8. desember
RagnarRokk: David Readman um Medusa
148283
Nýggjastu sendingar í SV
Hósdag 8. desember
Løgtingsval 2022
149167
Mikudag 7. desember
Valfundur á Skúlatrøð, Klaksvík
149039
Týsdag 6. desember
Framsókn í Tinginum
148999
Mánadag 5. desember
Sjálvstýri í Andglettinum
148753