Áttandi hvør gistandi er føroyingur

02.07.2022 - 15:09
AktueltVinna
Áttandi hvør gistandi er føroyingur
Tað eru ikki bara útlendingar, sum gista á hotellunum og gistingarhúsunum í Føroyum
Føroyingar keyptu 12 prosent av gistináttunum á hotellunum og gistingarhúsunum í Føroyum í mai
Mynd: Bjarni Árting Rubeksen  
 

Hotellini og gistingarhúsini í Føroyum høvdu góðar dagar í 2021. Ongantíð fyrr hava tey selt so nógvar gistinætur, sum tey gjørdu í fjør. Tað vísa tøl hjá Hagstovu Føroya.

Men, tað eru ikki bara útlendingar, ið gista á teimum ymisku hotellunum og gistingarhúsunum í landinum - minni enn so. Føroyingar eiga eisini ein fittan part í søluni av gistináttum.

SÍ EISINI Hotell- og gistingarhúsvinnan gyltar dagar

Í mai seldu hotellini og gistingarhúsini í Føroyum tilsamans 29.586 gistinætur, føroyingar keyptu 3.615. Tað svarar til, at áttanda hvør gistinátt í mai varð seld føroyingum.

Tað lutfallið var tó væl størri í mai 2021, tá ið lítil og eingin ferðavinna var í landinum av koronu. Í mai 2021 var meira enn onnur hvør gistinátt hjá vinnuni seld føroyingum.

Danir brúka hotellini mest

Tey flestu, sum brúka hotellini og gistingarhúsini í Føroyum, eru úr Danmark. Í mai var næstan annar hvør gistandi úr Danmark, í mai í fjør var umleið triði hvør gistandi dani.

Ferð er komin á vinnuna eftir 2020, tá ið korona órógvaði. Gistingarhúsini í landinum seldu í fjør 173.913 gistinætur, sum er tað mesta, síðani Hagstovan byrjaði at skráseta tølini í 2013.

Líkt er til, at árið í ár fer at roynast væl hjá gistingarhúsunum og hotellunum í Føroyum. Bara í mai seldu tey 29.586 gistinætur, sum eru 3.500 fleiri enn bæði mai og juni í fjør.

Er kopiera
Nýggjastu sendingar í ÚV
Sunnudag 7. august
Guðstænasta úr Christianskirkjuni
143022
Sunnudag 7. august
Møti úr Kristnastovu í Keypmannahavn.
142929
Leygardag 6. august
Morgunlestur leygardagur 6. august 2022
142558
Fríggjadag 5. august
Morgunlesturin fríggjadagur 5. august 2022
142557
Nýggjastu sendingar í SV
Týsdag 2. august
Úr savninum: Urtagarðurin (4:8)
142876
Týsdag 2. august
Úr savninum: Urtagarðurin 5:8
142875
Fríggjadag 29. juli
Upp á gólv - á ólavsøku
142769
Fríggjadag 29. juli
Ólavsøkuguðstænasta í Havnar kirkju.
142767
Hósdag 28. juli
Upp á gólv - á ólavsøku
142750