Svøríki og Finnland væntandi skjótt við í NATO

29.06.2022 - 09:18
Aktuelt
Svøríki og Finnland væntandi skjótt við í NATO
Turkiski forsetin hevur hálsað um, og týskvøldið boðaði hann frá, at hann góðtekur limaskipan hjá Svøríki og Finnlandi í verjusamgonguni.
 

Svøríki og Finnland sleppa skjótt upp í NATO, eftir at turkiski forsetin, Recep Tayyip Erdogan, týskvøldið boðaði frá, at Turkaland góðtekur svenskan og finskan limaskap í verjusamgonguni.

Hann hevur higartil verið ímóti at londini fáa limaskap í NATO, tí sambært Erdogan stuðla kurdiskum yvirgangsfelagskapum.

Turkiski forsetin boðaði frá broyttu støðuni, eftir at hann týskvøldið hevði havt ein langan fund við svenska forsætisráðharran, Magdalenu Anderson, og finska forsetan, Sauli Ninistø, í spanska høvuðstaðnum, Madrid.

Aðalskrivarin í NATO, Jens Stoltenberg, sum skipaði samráðingarnar ímillum partarnar, sigur, at londini eru samd um fleiri viðurskifti. 

Jens Stoltenberg boðaði samstundis frá, at Finnland og Svøríki í dag fáa í boði at gerast limir í NATO. Men sjálvar samráðingarnar um limaskapin byrja ikki fyrr enn øll 30 limalondini í NATO taka undir við svenska og finska limaskapinum.

Svenski forsætisráðharrin segði eftir fundin, at hon ikki nágreiniliga visti, hví Turkaland broytti støðu, men hon segði seg hava kunnað turkiska forsetan um yvirgangslógirnar í Svøríki, sum eru og vera nógv herdar.

Og so kunnaðu bæði norðurlondini um týdningin av teimum sum limalond í NATO, og at londini skulu samstarva við Turkaland á fleiri økjum, tá talan er um yvirgang.

Er kopiera
Nýggjastu sendingar í ÚV
Mikudag 10. august
Morgunlestur mikudagur 10. august 2022
143008
Mikudag 10. august
LEITISSTEIN 09.08.2022 (Bjørt Lind)
143130
Týsdag 9. august
Botnstríðið harðnar
143083
Týsdag 9. august
Morgunlestur týsdagur 9.august 2022
143007
Nýggjastu sendingar í SV
Týsdag 2. august
Úr savninum: Urtagarðurin (5:8)
142875
Týsdag 2. august
Úr savninum: Urtagarðurin (4:8)
142876
Fríggjadag 29. juli
Upp á gólv - á ólavsøku
142769
Fríggjadag 29. juli
Ólavsøkuguðstænasta í Havnar kirkju.
142767
Hósdag 28. juli
Upp á gólv - á ólavsøku
142750