Russland sent rakettir inn í ukrainska høvuðsstaðin

bannari
26.06.2022 - 10:07
AktueltÚtheimurin
Russland sent rakettir inn í ukrainska høvuðsstaðin
Hetta er fyrsta stóra álopið á Kyiv síðani 5 juni. Íbúðarhús rakt
Eitt avgerandi vegamót nærkast, sigur forsetin í Ukraina, Volodymyr Zelenskyj.
 

Russland hevur skotið fleiri rakettir inn í ukrainska høvuðsstaðin Kyiv í nátt.

Hetta er fyrsta stóra luftálopið á Kyiv síðani 5. juni, skrivar The Guardian.

Í øllum førum tveir íbúðarblokkar vóru raktir, og eldur festi í ein teirra.

Borgarstjórin í Kyiv, Vitali Klitschko sigur, at bjarginarlið eru í gongd við at sløkkja eldin og at hjálpa íbúgvunum út, men at fleiri fólk framvegis eru fangað undir teimum partvís niðurrapaðu bygningunum.

Royna at ræða

Borgarstjórin segði eisini í morgun, at álopið var ein roynd at ræða Ukraina áðrenn leiðararnir í G7 londunum hittast til toppfund í Týsklandi í dag, har nýggj revsitiltøk móti Russlandi millum annað eru á skrá.

Luftálopið kom bert fáar tímar eftir, at Zelensky forseti enn einaferð hevði heitt á londini, sum stuðla ukraina, um veita teimum betri luftverjuskipanir. Hetta gjørdi hann í síni regluligu kvøldartalu.

Í taluni vissaði Zelensky eisini um, Ukraina fer at vinna øll øki og býir aftur, sum Russlandi nú hevur tikið ræði á.

Avgerandi vegamót 

Men forsetin segði eisini, at kríggi nú er komið til eitt stig, sum er kensluliga og moralskt torført, tí hann ávaraði um, at hann ikki visti hvussu nógv tap Ukraina fer  at líða aftrat, áðrenn endaliga sigurin.

Hetta segði hann í kjalarvørrinum av, at ukrainsku herdeildirnar í gjár tóku seg aftur úr eysturukrainska býnum Sjeverodonetsk eftir at harðir bardagar hava verið í býnum í ein mánað. 

Ukrainskir myndugleikar søgdu í gjár, at teir gjørdu av at taka herdeildirnar úr býnum fyri at bjarga lívum, og at tað ikki longur var gjørligt at verja býin.
 

Er kopiera
Nýggjastu sendingar í ÚV
Mikudag 30. november
Tjóðveldi í Tinginum
148749
Mikudag 30. november
Góðan morgun Føroyar 30.11.2022
148737
Mikudag 30. november
Morgunlestur mikudagur 30. november 2022
148599
Týsdag 29. november
Ljóarin 29. november 2022
148709
Nýggjastu sendingar í SV
Mikudag 30. november
Tjóðveldi í Tinginum
148742
Mikudag 30. november
Sambandsflokkurin í Andglettinum
148728
Týsdag 29. november
Val kring landið - Klaksvík
148669
Mánadag 28. november
Tjóðveldi í Andglettinum
148653