Føroyskur fimleikari bestur í danska ríkinum

26.06.2022 - 15:18
ÍtrótturFimleikur
Føroyskur fimleikari bestur í danska ríkinum
Aron D. Jacobsen varð samanlagt besti amboðsfimleikarin í danska ríkinum, tá kappast var um danmarksmeistaraheitið. Fleiri føroyingar stóðu seg væl
Føroyskir fimleikarar stóðu seg væl í DM-kappingini í amboðsfimleiki um vikuskiftið
Mynd: Havnar Fimleikafelag  
 

Aron D. Jacobsen gjørdist um vikuskiftið besti amboðsfimleikarin í danska kongaríkinum, tá hann vann fýra gull, tvey silvur og eitt bronsuheiðursmerki í kappingini um danmarksmeistaraheitið, skrivar Havnar Fimleikafelag.

Hann venur við danska felagnum, Gefion.

Fleiri føroyingar stóðu seg væl í kappingini.

Rani Allansson Dalsgarð vann gull á gólvinum og í lopi, meðan Hjálmar Allansson Dalsgarð fekk silvur á gólvinum. Báðir eru úr Havnar Fimleikafelag.

Rókur Vestergaard úr Ljósinum vann gull í beinsveiggi í U19-aldursbólkinum, og Bjarki Johannesen úr Havnar Fimleikafelag vann gull í ringum og lopi og bronsu í beinsveiggi og rekk. Hann varð triðbesti fimleikarin í U17-aldursbólkinum. 

 

Er kopiera
Nýggjastu sendingar í ÚV
Nýggjastu sendingar í SV
Mikudag 10. august
Úr savninum: Urtagarðurin 6:8
143136
Týsdag 2. august
Úr savninum: Urtagarðurin (5:8)
142875
Týsdag 2. august
Úr savninum: Urtagarðurin (4:8)
142876
Fríggjadag 29. juli
Upp á gólv - á ólavsøku
142769