Zelenskyj: Russar herða álopini hesa vikuna

bannari
20.06.2022 - 08:32
AktueltÚtheimurin
Zelenskyj: Russar herða álopini hesa vikuna
ES-londini fara seinni í vikuni at umrøða, um Ukraina skal fáa limaskap í samveldinum
Zelenskyj, forseti, hevur verið í m.a. Odessa, har harðir bardagar hava verið seinastu tíðina.
Mynd: Ritzau Scanpix  
 

Ukrainar skulu rokna við ógvusligari russiskum álopum í hesi vikuni.

Tað segði Zelenskyj, forseti í eini røðu fyri fólkinum í nátt.

Hann segði, at nú ES londini fara at umrøða, um Ukraina skal setast á listan yvir lond, sum skulu fáa limaskap í samveldinum, er vandi fyri, at Russland fer at herða álopini í Ukraina.

ES-londini fara á fundi hósdagin og fríggjadagin at umrøða, um Ukraina skal setast á listan yvir lond, sum skulu fáa limaskap í ES.

ES fer í øllum førum at krevja av stjórnini í Ukraina, at hon setur broytingar í verk, so landið fer at virka eftir somu treytum, sum hini londini í ES virka eftir.

 

Vitjaði í Odessa

Zelenskyj, forseti var í gjár á vitjan í býum í syðra partinum av landinum, har harðir bardagar hava verið seinastu tíðina. M.a. vitjaði hann hermenn í býnum, Odessa, sum stríðast ímóti russisku deildunum.

Á ferðini umrøddi Zelenskyj eisini stóru nøgdirnar av korni, sum liggja á goymslu í m.a. Odessa, men sum ikki kunnu avskipast, tí einki skip er at flyta kornið við.

Talan er um 25 milliónir tons av korni. Tað kann hava við sær, at hungursneyð fer at taka seg upp í teimum londunum, sum skuldu keypa kornið.

Ein meting hjá ST, vísir, at vandi er fyri, at 1,6 milliardir fólk fara ikki at fáa nóg mikið at eta, um Ukraina ikki fær útflutt korn.

Er kopiera
Nýggjastu sendingar í ÚV
Nýggjastu sendingar í SV
Mikudag 10. august
Úr savninum: Urtagarðurin 6:8
143136
Týsdag 2. august
Úr savninum: Urtagarðurin (5:8)
142875
Týsdag 2. august
Úr savninum: Urtagarðurin (4:8)
142876
Fríggjadag 29. juli
Upp á gólv - á ólavsøku
142769