Russland til reiðar at finna eina loysn á útflutningi av korni

bannari
29.05.2022 - 14:33
AktueltÚtheimurin
Russland til reiðar at finna eina loysn á útflutningi av korni
Russland er til reiðar at finna eina loysn á, hvussu útflutningurin av korni úr Ukraina kann halda fram.
Myndina eigur Ritzau
 

Tað sigur russiski forsetin Vladimir Putin sambært danska blaðnum Jyllands-Posten.

Russland og Ukraina framleiða tilsamans nærum ein triðing av allari heimsnýtsluni av hveiti, og kríggið í Ukraina hevur gjørt, at prísirnir á hveiti eru farnir nógv upp, millum annað tí tað er vorðið nógv truplari at útflyta hveiti úr havnunum við Svartahavið.

Fráboðanin hjá Vladimir Putin kom stutt eftir, at hann hevði havt ein 80 minuttir langan telefonfund við franska forsetan Emmanuel Macron og týska samveldiskanslaran Olaf Scholz.

Men Putin setir eisini krøv. Russland er heimsins størsti útflytari av tøðum, og um Russland skal útflyta meira tøð og landbúnaðarmaskinur, skulu ávís revsitiltøk, sum nú eru í gildi móti Russlandi, antin linkast ella takast burtur.

Bæði Ukraina og vestanlond hava ákært Russland fyri at gera hungur í heiminum til eitt vápn í krígnum í Ukraina. Russland sigur hinvegin, at matvørutrotið kring heimin serliga kemur av revsitiltøkunum hjá Vesturheiminum og minum í ukrainskum havnum.

Á telefonfundinum heittu bæði Macron og Scholz á Putin um at taka samráðingarnar við Ukraina upp aftur. Putin sigur seg vera til reiðar at samráðast, men at Ukraina hevur skyldina av, at dialogurin landanna millum er hildin uppat.

Er kopiera
Nýggjastu sendingar í ÚV
Nýggjastu sendingar í SV
Mikudag 10. august
Úr savninum: Urtagarðurin 6:8
143136
Týsdag 2. august
Úr savninum: Urtagarðurin (5:8)
142875
Týsdag 2. august
Úr savninum: Urtagarðurin (4:8)
142876
Fríggjadag 29. juli
Upp á gólv - á ólavsøku
142769