Ukraina: Eingin vápnahvíld, meðan russar eru í landinum

bannari
22.05.2022 - 12:18
AktueltÚtheimurin
Ukraina: Eingin vápnahvíld, meðan russar eru í landinum
Ukrainski forsetin væntar framvegis, at Ukraina fer at vinna á Russlandi á vígvøllinum
Ukrainskir myndugleikar halda, at ein vápnahvíld er nyttuleys, meðan russar hava hermegi í landinum, tí Russland fer at brúka vápnahvíldina at dubba seg í Ukraina.
Mynd: Ritzau Scanpix  
 

Ukraina vísir øllum møguleikum aftur um vápnahvíld við Russland, meðan russiskar deildir eru í Ukraina.

Boðini koma frá ráðgevanum hjá Volodymyr Zelinskyj, forseta, Mykhajlo Podoljak, skrivar Reuters.

Ukrainska stjórnin fer heldur ikki at góðkenna nakra avtalu við Russland, um Ukraina skal lata landaøki frá sær.

Ráðgevin hjá Zelinskyj sigur, at russar gevast ikki við krígnum, um ein vápnahvíld fæst í lag. Kanska verður ein steðgur, men Russland fer at brúka tíðina til at dubba seg bæði við hernaðarligari útgerð og herfólki, sigur hann. 

 

Ongar friðarsamráðingar

Bæði Russland og Ukraina hava boðað frá, at friðarsamráðingarnar eru hildnar uppat, og russiskar tíðindastovur skriva, at eingin fundur hevur verið millum partarnar síðani 22. apríl.

Russiski herurin roynir nú at taka Donbas har eysturi í Ukraina, har landspartarnir Luhansk og Donetsk eru.

Ein amerikansk frágreiðing vil vera við, at Russland hevur gjørt framstig í økinum, og at landið nú hevur valdið í øllum Luhansk.

 

Volodymyr Zelinskyj, forseti í Ukraina. (Mynd: Ritzau Scanpix)

 

Ukraina fer at vinna

Ukrainski forsetin, Zelinskyj, segði í eini sjónvarpsrøðu í gjárkvøldið, at Ukraina væntar framvegis at vinna á Russlandi á vígvøllinum.

Hann viðgongur, at mótstøðan er hørð í Donbas.

Zelinskyj sigur, at endi fæst bara á krígnum við samráðingarborðið.


 

Er kopiera
Nýggjastu sendingar í ÚV
Fríggjadag 9. desember
HM tíðindi 9 des 2022
149220
Fríggjadag 9. desember
Góðan morgun Føroyar 09. desember 2022
149185
Fríggjadag 9. desember
Morgunlestur fríggjadagur 9. desember 2022
148413
Hósdag 8. desember
RagnarRokk: Tim Bowness um Butterfly Mind
148284
Hósdag 8. desember
RagnarRokk: David Readman um Medusa
148283
Nýggjastu sendingar í SV
Hósdag 8. desember
Løgtingsval 2022
149167
Mikudag 7. desember
Valfundur á Skúlatrøð, Klaksvík
149039
Týsdag 6. desember
Framsókn í Tinginum
148999
Mánadag 5. desember
Sjálvstýri í Andglettinum
148753