Royna eisini semju millum arbeiðsgevarar og arbeiðskvinnur í Havn

19.05.2022 - 08:31
AktueltSamfelag
Royna eisini semju millum arbeiðsgevarar og arbeiðskvinnur í Havn
Arbeiðsgevarafelagið og Havnar Arbeiðskvinnufelag samráddust til í gjár, men so var neyðugt at boðsenda semingsstovninum
Terje Sigurðsson, semingsmaður, er nú eisini komin upp í sáttmálatrætuna milum Arbeiðsgevarafelagið og Havnar Arbeiðskvinnufelag.
Mynd: Bjarni Árting Rubeksen  
 

Semingsstovnurin er nú eisini komin upp í samráðingarnar millum Føroya Arbeiðsgevarafelag Havnar Arbeiðskvinnufelag.

Tá ið samráðingarnar við tey fimm arbeiðarafeløgini byrjaðu í apríl, samráddust øll arbeiðarafeløgini saman. 

Men sum samráðingarnar gingu, komu boð um, at arbeiðarafeløgini vóru farin sundur í tveir bólkar, og Havnar Arbeiðskvinnufelag ikki longur var partur av samráðingunum hjá hinum fýra feløgunum, skrivar Vinnuhúsið.

Vígdis Johannesen, forkvinna í Havnar Arbeiðskvinnufelag, hevur onga viðmerking til tað, sum Vinnuhúsið skrivar.

 

Vígdis Johannesen, forkvinna í arbeiðskvinnufelagnum í Havn. (Mynd: Bjarni Árting Rubeksen)

 

Semingsstovnurin boðsendur

Mánakvøldið var semingsstovnurin boðsendur, eftir at Føroya Arbeiðsgevarafelag og tey fýra feløgini máttu ásanna, at ov langt var millum partarnir til at finna semju um nýggjar sáttmálar. 

Eftir at hava tosað við partarnar, útsetti semingsstovnurin ein møguligan arbeiðssteðg í eina viku, til á midnátt mánakvøldið.

Samráðingarnar við Havnar Arbeiðskvinnufelag hildu tó fram, men í gjár var semingsstovnurin boðsendur.

Semingsstovnurin hevur eisini í hesum førinum útsett ein møguligan arbeiðssteðg í eina viku.
 

Er kopiera
Nýggjastu sendingar í ÚV
Leygardag 2. juli
Morgunlestur leygardagur 2.juli 2022
141508
Fríggjadag 1. juli
Summarmorgun 01. juli 2022
141705
Fríggjadag 1. juli
Morgunlestur fríggjadagur 1.juli 2022
141507
Hósdag 30. juni
RagnarRokk: Lips um Impact Is Imminent
139913
Nýggjastu sendingar í SV
Fríggjadag 1. juli
Jól í tónleikinum
141718
Mánadag 27. juni
3-2
141573
Sunnudag 26. juni
Andakt við Róland í Skorini
141518
Leygardag 25. juni
Video: 5mf kvinnur, jóansøka 2022
141491