Landskassin lænt eina milliard at gjalda lán aftur

19.05.2022 - 14:36
AktueltSamfelag
Landskassin lænt eina milliard at gjalda lán aftur
Landskassaskuldin minkar 200 milliónir kr., og lánsbrævaskuldin hjá landskassanum er nú 3,7 milliardir kr.
Rentan er hækkað 1,25 prosent, síðani landskassin seinast tók lán fyri tveimum árum síðani.
 

Landsstýrið hevur tikið 1,1 milliard krónur í láni, sum skulu brúkast til at rinda aftur eitt lán, ið fellur til gjaldingar 2. juni.

Lánið, sum nú verður goldið aftur, er 1,3 milliardir krónur. 200 milliónir verða goldnar av landskassans gjaldføri. Sostatt minkar landskassaskuldin 200 milliónir kr.

 

Seld í Føroyum og uttanlands

Lánið, sum landskassin hevur tikið, er eitt lánsbrævalán, og lánsbrøvini eru seld í Føroyum og uttanlands, upplýsir Landsbankin.

Rentan er 1,25 prosent, og kursurin er 99,92 prosent. Effektiva rentan, sum bæði leggur upp fyri kursinum og áljóðandi rentuni, er tí 1,254 prosent.

Lánið fellur til gjaldingar 2. juni í 2024.

 

Gekk væl at selja

Landsbankin og Nordea Bank fyrireikaðu lántøkuna. Sølan gekk sera væl, og tá avtornaði vóru teknaðar munandi størri upphæddir enn tær 1100 milliónirnar, sum tørvur var á, sigur Landsbankin.

Seinast, landsstýrið tók eitt tvey ára lán, var í 2020. Tá var rentan 0,0 prosent. Rentan er hækkað síðani, og rentan fyri lánið, sum nú er tikið, er 1,25 prosent.

Nú skuldin verður niðurgoldin 200 milliónir, er lánsbrævaskuldin hjá landskassanum tríggjar milliardir og 743 milliónir kr. Tað svarar til 18 prosent av BTÚ í 2021.

Er kopiera
Nýggjastu sendingar í ÚV
Leygardag 2. juli
Morgunlestur leygardagur 2.juli 2022
141508
Fríggjadag 1. juli
Summarmorgun 01. juli 2022
141705
Fríggjadag 1. juli
Morgunlestur fríggjadagur 1.juli 2022
141507
Hósdag 30. juni
RagnarRokk: Lips um Impact Is Imminent
139913
Nýggjastu sendingar í SV
Fríggjadag 1. juli
Jól í tónleikinum
141718
Mánadag 27. juni
3-2
141573
Sunnudag 26. juni
Andakt við Róland í Skorini
141518
Leygardag 25. juni
Video: 5mf kvinnur, jóansøka 2022
141491