Noktar seg sekan í neyðtøkuroynd

18.05.2022 - 17:14
Aktuelt112
Noktar seg sekan í neyðtøkuroynd
Hendingin fór fram í Vesturbýnum í Havn í mars mánaði
 

Ein maður um 30 ára aldur hevur noktað seg sekan í at hava roynt at neyðtikið eina kvinnu. Men maðurin játtar seg tó sekan í at hava rænt eina tasku frá kvinnuni. Hendingin fór fram í Vesturbýnum í Havn í mars mánaði.

Rænt frá øðrum kvinnum

Í sambandi við kanningararbeiði í málinum, hevur maðurin eisini játtað seg sekan í tveimum øðrum sindur eldri málum um at hava rænt frá tveimum kvinnum.

Tað upplýsir Heri Andreassen, leiðari á kanningardeildini hjá løgregluni.

 

Skræddi tasku frá kvinnu

Onnur hendingin var í juli 2019. Ein ung kvinna var á veg heim úr býnum í Havn og setti seg at hyggja í telefonina. Tá kom 30 ára gamli maðurin til hana og skræddi taskuna frá henni. 

Løgreglan hevði longu tá illgruna til mannin, men hevði ikki nóg góð prógv fyri at handtaka hann tá.

Hin hendingin var í februar í ár, tá ein kvinna sat á trappuni uttan fyri Havnar kirkju eina náttina.

 

Tók um hálsin á kvinnu

Tá kom 30 ára gamli maðurin til hana og fór harðliga fram. Hann tók um hálsin á henni og skræddi síðani taskuna frá henni. 

Tað var myrkt, og tí kundi kvinnan ikki lýsa gerningsmannin neyvt.

Maðurin er avhoyrdur og skal nú mentalkannast fyri at fáa greiðu á, um hann er egnaður til vanliga revsing, sigur Heri Andreassen, leiðari á kanningardeildini hjá løgregluni

Er kopiera
Nýggjastu sendingar í ÚV
Leygardag 2. juli
Morgunlestur leygardagur 2.juli 2022
141508
Fríggjadag 1. juli
Summarmorgun 01. juli 2022
141705
Fríggjadag 1. juli
Morgunlestur fríggjadagur 1.juli 2022
141507
Hósdag 30. juni
RagnarRokk: Lips um Impact Is Imminent
139913
Nýggjastu sendingar í SV
Fríggjadag 1. juli
Jól í tónleikinum
141718
Mánadag 27. juni
3-2
141573
Sunnudag 26. juni
Andakt við Róland í Skorini
141518
Leygardag 25. juni
Video: 5mf kvinnur, jóansøka 2022
141491