Noreg steingir havnir, men russisk fiskiskip fáa undantøk

29.04.2022 - 13:00
AktueltÚtheimurin
Noreg steingir havnir, men russisk fiskiskip fáa undantøk
Stongsilin kemur í gildi 7. mai.
Anniken Huitfeldt er uttanríkisráðharri í Noregi.
Mynd: Aftenposten  
 

Norska stjórnin ger sum ES og stongir markið fyri russiskum vøruflutningi og havnirnar fyri russiskum skipum.

Russisk fiskiskip sleppa kortini í havn.

Tað merkir, at tvey at trimum russiskum skipum, sum koma inn í Noregi, kunnu halda fram sum fyrr.

- Vit seta í gildi fimta pakkan hjá ES um revsitiltøk. Svaldbard er tó undantikið, tí har er Svaldbard-sáttmálin galdandi, sigur norski uttanríkisráðharrin, Anniken Huitfeldt, við NRK. 

 

Kemur í gildi 7. mai

Eftir fyrra veraldarbardaga, skrivaðu fleiri lond á eini friðarráðstevnu undir sáttmálan, og sáttmálin heimilar teimum ótarnað at virka í Svaldbard-økinum. Noreg kom upp í sáttmálan í 1925 gjøgnum Svaldbardlógina um ræði og myndugleikan í Svaldbard.

Norski stongsilin kemur í gildi næsta vikuskiftið,  7. mai.

- Vit stongja havnir fyri russiskum skipum, undantikið fiskiskip. Tað hevur ES eisini gjørt. Vit gera tað einfalt og lætt at skilja og geva fiskiskipum undantak, sigur norski fiskimálaráðharrin, Bjørnar Skjæran, við NRK.

 

Fiskivinnusamstarv

Norska stjórnin hevur víst á tørvin fyri undantøkum, og vísir á serliga norsk-russiska samstarvið á fiskivinnuøkinum í Barentshavinum.

- Øll russisk fiskiskip kunnu koma í norska havn, um reiðarin ikki stendur á listanum yvir russarar, har ognirnar eru stongdar í vesturlendskum bankum.

Jenis av Rana, landsstýrismaður í uttanríkismálum, sigur, at hann fer seinnapartin á fund við Bárð Nielsen, løgmann, at tosa um málið, nú Noreg hevur tikið støðu.

Er kopiera
Nýggjastu sendingar í ÚV
Fríggjadag 9. desember
HM tíðindi 9 des 2022
149220
Fríggjadag 9. desember
Góðan morgun Føroyar 09. desember 2022
149185
Fríggjadag 9. desember
Morgunlestur fríggjadagur 9. desember 2022
148413
Hósdag 8. desember
RagnarRokk: Tim Bowness um Butterfly Mind
148284
Hósdag 8. desember
RagnarRokk: David Readman um Medusa
148283
Nýggjastu sendingar í SV
Hósdag 8. desember
Løgtingsval 2022
149167
Mikudag 7. desember
Valfundur á Skúlatrøð, Klaksvík
149039
Týsdag 6. desember
Framsókn í Tinginum
148999
Mánadag 5. desember
Sjálvstýri í Andglettinum
148753