ÍF Føroyar vann sælandsmeistaraheitið í fimleiki

04.04.2022 - 18:23
ÍtrótturFimleikur
ÍF Føroyar vann sælandsmeistaraheitið í fimleiki
Fimleikaliðið hjá føroyska ítróttarfelagnum í Keypmannahavn, ÍF Føroyar, vann um vikuskiftið sælendska meistaraheitið í estetiskum fimleiki
Team Nordik hjá ÍF Føroyum vann gull í sælendska meistaraheitinum
Mynd: ÍF Føroyar  
 

Fyri fyrstu ferð síðan 2014 hevur fimleikalið hjá ÍF Føroyum vunnið gull.

Tað hendi til sælendska meistaraheitið um vikuskiftið. 

Føroyska liðið, Team Nordik, kappaðist í bólkinum, senior fri, ið er fyri liðini, sum kappast uttan amboð, tvs. bert í estetiskum fimleiki.

 - Í ár eru vit sera væl mannaðar, og hava fingið nógvar dugnaligar fimleikarar afturat teimum, sum longu vóru á liðnum, siga umboð fyri føroyska liðið og leggja afturat, at tær ikki hava kappast síðan 2020 orsakað av koronu, og tí vórðu sera bilsnar av góða úrslitinum.

Team Hera, sum er einasta liðið við kvinnum, sum hevur kappast í estetisku fimleikakappingunum í Føroyum í vetur, var eisini við í kappingini. Tær fingu betur karakter enn Team Nordik, men av tí, at tær vóru gestir, kundu tær ikki vinna kappingina.

 - Nú eru vit longu farnar at fyrireika okkum til DM í estiskum fimleiki, ið verður síðst í mai, og har vænta vit okkum størri og meira javna kapping, so vit hava nógv at arbeiða við, men gullmedaljan um hálsin er ein framúr motivatión, sigur Team Nordik. 

Team Nordik vann kappingina við 15.25 stigum frammanfyri Team Octavia, sum fekk 15.13 stig. Team Hera fekk 17.22 stig.
 

Er kopiera
Nýggjastu sendingar í ÚV
Hósdag 30. juni
RagnarRokk: Lips um Impact Is Imminent
139913
Hósdag 30. juni
Summarmorgun 300622
141667
Hósdag 30. juni
Morgunlestur hósdagur 30.juni 2022
141506
Mikudag 29. juni
Summarmorgun 29. juni 2022
141628
Nýggjastu sendingar í SV
Mánadag 27. juni
3-2
141573
Sunnudag 26. juni
Andakt við Róland í Skorini
141518
Leygardag 25. juni
Video: 5mf kvinnur, jóansøka 2022
141491
Leygardag 25. juni
Video: 10mf, jóansøka 2022
141489