Føroyar fingu kenningar í EM-undankappingini

31.03.2022 - 18:20
ÍtrótturHondbóltur
Føroyar fingu kenningar í EM-undankappingini
Føroyar skulu spæla ímóti Eysturríki, Ukraina og Rumenia um pláss í EM-endaspælinum í 2024. Eysturríki og Ukraina eru ynskilið úr potti eitt og tvey, sigur Helgi H. Hoydal
Flúgvandi: Helgi Hildarson Hoydal í dysti ímóti Ukraina, sum aftur verða mótstøðulið hesa ferð
 

Føroyar skulu kappast við Eysturríki, Ukraina og Rumenia um pláss í EM-endaspælinum, sum verður í Týsklandi í 2024. 

Royndi føroyski strikuspælarin, Helgi Hildarson Hoydal, er væl nøgdur við lutakastið.

 - Eg haldi at hettar er eitt fínt lutakast. Tað er einki at ivast í, at Eysturríki og Ukraina eru ynskilið úr potti eitt og tvey, meðan Rumenia møguliga er eitt av sterkaru liðunum í potti trý, sigur hann. 

Gamlir kenningar

Hetta verður sætti og sjeyndi dysturin, sum Føroyar spæla ímóti Ukraina síðan 2018. Ukraina hevur vunnið allar fimm higartil, men tvær ferðir bert við einum máli. Helgi Hildarson Hoydal vónar, at tað skal eydnast at koppa teimum hesa ferð.

 - Ukraina hava vit eina søgu við seinastu árini, har vit hava møtt teimum ofta. Eg rokni við, at eg tosi fyri teir allarflestu á liðnum tá eg sigi, at vit hava ógvuliga góðan hug endiliga at vinna á teimum. Vónandi fáa teir luttikið sum vanligt, sigur sterki strikuspælarin.

Føroyar hava hitt Rumenia eina ferð í nýggjari tíð. í 2018 taptu Føroyar við átta málum ímóti rumenum.
 

Er kopiera
Nýggjastu sendingar í ÚV
Nýggjastu sendingar í SV
Mikudag 10. august
Úr savninum: Urtagarðurin 6:8
143136
Týsdag 2. august
Úr savninum: Urtagarðurin (5:8)
142875
Týsdag 2. august
Úr savninum: Urtagarðurin (4:8)
142876
Fríggjadag 29. juli
Upp á gólv - á ólavsøku
142769