Ukrainskur forsetaráðgevi: Kríggið endar í mai

bannari
15.03.2022 - 09:46
AktueltÚtheimurin
Ukrainskur forsetaráðgevi: Kríggið endar í mai
Amerikanski forsetin fer til Brússel í næstu viku at hitta leiðararnar í Nato-londunum
Russar halda fram at leypa á íbúðarhús í ukrainska høvuðsstaðnum, Kyiv, men samstundis væntar ein ráðgevi hjá ukrainska forsetanum, at kríggið endar í mai.
Mynd: Ritzau Scanpix  
 

Kríggið í UkrAina heldur fram, og tíðliga í morgun var boðað frá fleiri hørðum spreingingum í høvuðstaðnum, Kyiv. 

Mest óvæntaðu boðini úr Ukraina í nátt, komu frá ráðgevanum hjá forsetanum, Oleksij Arestpvitsj, sum boðaði frá, at kríggið í Ukraina helst fer at enda í mai, tí tá hevur russiski herurin onga útgerð eftir.

Samstundis boðar ukrainska verjan frá, at russiski herurin nú tekur seg aftur, eftir at hava roynt at taka havnabýin, Mariupol, aftur. Royndin miseydnaðist, og russiski herurin tapti bardagan um býin.

 

Biden til Brússel

Úr USA ljóðar, at amerikanski forsetin, Joe Biden, fer á fund í Brússel í næstu viku, har hann saman við leiðarunum í NATO-londunum skal umrøða kríggið í Ukraina. Fundurin verður eftir ætlan mikudagin 23.mars.

Í gjár vóru samráðingar millum Russland og Ukraina um kríggið. Einki spurdist burturúr, men partarnir eru samdir um at halda fram í dag.

 

Ikki biðið um hjálp

Myndugleikarnir í KIna vísa aftur, at Russland hevur biðið Kina um hernaðarliga hjálp til kríggið í Ukraina, og landið kallar tað óndsinnað álop, tá amerikanskir myndugleikar boða frá, at USA ikki góðtekur, at onnur lond hjálpa Russlandi í krígnum í Ukraina.

Tað segði amerikanski trygdarráðgevin, Jake Sullivan í gjár, sambært BBC.

Kinesiska sendistovan í London, sigur, at USA fleiri ferðir seinastu tíðina hevur borið tíðindi um, at Kina hjálpir Russlandi í krígnum, men sambært Reuters, vísir sendistovan tíðindunum aftur, og vísir samstundis á, at Kina ger alt  sum er møguligt, fyri at fáa partarnar at royna at finna semju, heldur enn at stríðast.

Jake Sullivan sigur, at USA heldur eygað við, hvat Kina ger í krígnum.

Fleiri amerikanskir diplomatar hava sagt, at Russland hevur biðið KIna um hernaðarliga hjálp, men tað vísir Moskva aftur, skrivar Reuters.
 

Sí myndir frá AP-tíðindastovuni frá rakettálopi á eini íbúðarhús í 15 hæddum í Kyiv. Í minsta lagi eitt fólk doyði:

 

ELDUR_I_KYIV_NET

 

Er kopiera
Nýggjastu sendingar í ÚV
Fríggjadag 9. desember
HM tíðindi 9 des 2022
149220
Fríggjadag 9. desember
Góðan morgun Føroyar 09. desember 2022
149185
Fríggjadag 9. desember
Morgunlestur fríggjadagur 9. desember 2022
148413
Hósdag 8. desember
RagnarRokk: Tim Bowness um Butterfly Mind
148284
Hósdag 8. desember
RagnarRokk: David Readman um Medusa
148283
Nýggjastu sendingar í SV
Hósdag 8. desember
Løgtingsval 2022
149167
Mikudag 7. desember
Valfundur á Skúlatrøð, Klaksvík
149039
Týsdag 6. desember
Framsókn í Tinginum
148999
Mánadag 5. desember
Sjálvstýri í Andglettinum
148753