Svøríki brynjar seg í Gotlandi

17.01.2022 - 09:48
AktueltÚtheimurin
Svøríki brynjar seg í Gotlandi
Striðsvognar eru at síggja í gøtunum í Visby, tí russisk landgongufør eru sædd á leiðini. Eingin trygd er fyri, at Svøríki sleppur undan álopi, sigur verjumálaráðharrin
Svenskir stríðvognar eru at síggja í gøtunum í Visby í Gotlandi.
Mynd: RitzauScanpix  
 

Hvat Rusland vil, ella ikki vil, hevur ongan týdning. Vit mugu røkja okkara egnu áhugamál, sigur svenski verjumálaráðharrin, Peter Hultquist, eftir at Svøríki um vikuskiftið gjørdi av at senda hermenn til Gotlands, og sum nú eru at síggja í gøtunum í Visby.

Orsøkin til, at Svøríki sendi hermenn til Gotlands, er, at mikunáttina vóru trý russisk landgongufør at síggja á leiðini, tey sigldu inn í Eystrasalt. Tað hevur við sær, at Russland nú hevur seks slík før á leiðini.

Seta herfólk á land

Landgonguførini vera sum oftast nýtt, tá herfólk skal setast á land, men tey vera eisini nýtt til aðrar uppgávur, skrivar AFP.

Tað er ikki óvanligt, at slík før flyta seg, men tað er óvanligt, at einki verður sagt um tað.

Londini við Eystrasalt eru nógv, og í øllum londum verður virksemið í Eystrasalti samanborið við tað, sum hendir á markinum til Ukraina.

Umframt at senda herfólk og útgerð til Gotlands, hevur Svøríki eisini givið herdeildunum í øðrum pørtum av landinum boð um at vera tilbúnar.

Eingin trygd

Svenski verjumálaráðharrin, Peter Hultquist sigur, at tað, sum hendir í løtuni, er óheppið, og at eingin trygd er fyri, at Svøríki sleppur undan einum álopi. Tí er neyðugt at taka neyðug stig, sigur hann.

Fyri jól kravdi Russland, at NATO gevst við at fáa lond upp í verjusamgonguna, og tað er galdandi bæði fyri Svøríki og Finnland, og ikki bert fyri Ukraina.

Svøríki og Finnland hava eina verjuavtalu við NATO, sum 30 lond í Evropa og Norðuramerika eru limir í.

Finskur limaskapur er ágangur

Ein talsmaður fyri russiska verjumálaráðið segði í farnu viku, at um Finnland fer upp í NATO, so er tað at meta sum ágangur.

Tá segði svenski verjumálaráðharrin, at Svøríki ætlar ikki at gerast limur í NATO.

Russland krevur, at NATO tekur herfólk og útgerð úr londunum, sum eru limir í samgonguni síðani í 1997, tá er talan um Estland, Lettland og Litava og Pólland.

Er kopiera
Nýggjastu sendingar í ÚV
Fríggjadag 27. mai
Nón 27. mai 2022
140205
Fríggjadag 27. mai
Grønt orkuskifti og kvinnur í politikki
140184
Fríggjadag 27. mai
Góðan morgun Føroyar 27.05.2022
140183
Fríggjadag 27. mai
Morgunlestur fríggjadagur 27.mai 2022
139981
Hósdag 26. mai
RagnarRokk 26.mai 2022
139459
Nýggjastu sendingar í SV
Hósdag 26. mai
Guðstænasta úr Miðvágs kirkju
140163
Hósdag 26. mai
Sært tú meg 3:3
140155
Hósdag 26. mai
Andakt við Emil Olsen
140162
Mánadag 23. mai
3-2
140037
Sunnudag 22. mai
Andakt við Andriasi Magnussen
139968