Jógvan I fiskar botnfisk við Svalbard

17.01.2022 - 09:35
AktueltVinna
Jógvan I fiskar botnfisk við Svalbard
Fimm frystilínuskip eru undir Føroyum, tvey eru við Ísland og eitt er í Barentshavinum
Frystilínuskipið hevur fingið loyvi at fiska góð 400 tons av botnfiski í verndarøkinum við Svalbard.
 

Sambært Fiskamarknaðinum eru tvey ísfiskalínuskip undir Føroyum í løtuni.

Tey trý smærru línuskipini eru eystanfyri, og fimm frystilínuskip eru undir Føroyum, tvey eru við Ísland og eitt er í Barentshavinum.

Um útróður verður sagt, at streymurin er góður, men veðrið verður eitt sindur umskiftandi. 

Væntandi verður nakar útróður, tá veðrið loyvir tí. Báðir djúpvatnstrolarar liggja enn við bryggju.

Um partrolarar verður sagt, at trý pør eru til fiskarí. Fýra trolbátar eru eystanfyri og fiska havtasku.

Eitt garnaskip fiskar svartkalva. Fiskaríð er smáligt.

Eitt garnaskip fiskar havtasku. Fiskaríið hjá tí er brúkiligt, sigur Fiskamarknaðurin.

 

Jógvan I við Svalbard

Frystilínuskipið Jógvan I hevur fingið loyvi at fiska botnfisk í verndarøkinum við Svalbard.

Hann sleppur at fiska 411,25 tons av toski og hjáveiðu. 

Svartkalvi, kongafiskur og hýsa kunnu bara veiðast sum hjáveiða. 

Hjáveiðan av svartkalva kann í mesta lagi vera 12 prosent í hvørjum háli og sjey prosent av veiðuni, tá túrur endar og av landaðari nøgd. 

Hjáveiðan av kongafiski kann í mesta lagi vera 20 prosent í hvørjum háli og av landaðari nøgd. 

Hjáveiðan av hýsu kann í mesta lagi vera 14 prosent í hvørjum háli og av landaðari nøgd.

Er kopiera
Nýggjastu sendingar í ÚV
Fríggjadag 27. mai
Nón 27. mai 2022
140205
Fríggjadag 27. mai
Grønt orkuskifti og kvinnur í politikki
140184
Fríggjadag 27. mai
Góðan morgun Føroyar 27.05.2022
140183
Fríggjadag 27. mai
Morgunlestur fríggjadagur 27.mai 2022
139981
Hósdag 26. mai
RagnarRokk 26.mai 2022
139459
Nýggjastu sendingar í SV
Hósdag 26. mai
Guðstænasta úr Miðvágs kirkju
140163
Hósdag 26. mai
Sært tú meg 3:3
140155
Hósdag 26. mai
Andakt við Emil Olsen
140162
Mánadag 23. mai
3-2
140037
Sunnudag 22. mai
Andakt við Andriasi Magnussen
139968