Føroyar vunnu sín HM-undankappingarbólk

16.01.2022 - 19:43
ÍtrótturHondbóltur
Føroyar vunnu sín HM-undankappingarbólk
Føroysku hondbóltsmenninir vunnu ein sannførandi 26-19 sigur á Lettlandi og vunnu harvið sín undankappingar-bólk til HM
 

Tað sá rættiliga svart út, tá hondbóltslandsliðið við monnum fríggjakvøldið tapti fyrsta HM-undankappingardystin móti Luksemborg í Høllini á Hálsi rættiliga greitt. 

Men tað varð alt vent á høvdið, tá Føroyar vann tætta dystin móti Italia við einum málið í gjárkvøldið

Og í kvøld vann Føroyar so ein sannførandi sigur 26 - 19 móti Lettlandi, sum fór á vøllin við tveir metrar og fimtan sentimetra høga risanum Dainis Kristopans. Kristopans spælir annars við mæta PSG. 

 

Á odda við sjey málum í hálvleikinum

Føroyar komu væl frá byrjan og setti seg beinavegin á dystin og vóru á odda við sjey málum í hálvleikinum, so sigurin var ongantíð í vanda. 

Lettland hevði einki at spæla fyri, og tað sást eisini aftur á leikarunum, ið rættiliga skjótt tóktust geva skarvin yvir mótir kviku føroyingunum. 

Føroysku spælararnir høvdu lætt við at spæla seg ígjøgnum, og hóast tað sá rættiliga margháttligt út, tá relativt smáu føroyingarnir royndu at steðga risanum Kristopans, so kom verjan væl frá avbjóðingini. 

 

Nógvir málskjúttar

Í mun til hinar dystirnar, so var tað eitt ordiligt liðavrik í kvøld.  Nevnivert við dystinum í kvøld var, at rættiliga nógvir av leikarunum á føroyska liðnum skutu mál, meðan í fyrsta dystinum móti Luksemborg lá málskjótingarbyrðan á Hákun West av Teigum á høgra vongi. 

Aftur í kvøld var tað nýggja stjørnuskotið á landsliðnum, Tróndur Mikkelsen, ið gjørdist toppskjútti við fimm málum. Og enn einaferð vísti Pauli Jacobsen í málinum, at hann hevur høgt altjóða støði. 

Nú skulu Føroyar spæla tveir dystir, heima og úti, móti einum av liðunum frá hinum undankappingarbólkunum, og hvør tað verður, skal kastast lut um. 

 

Er kopiera
Nýggjastu sendingar í ÚV
Fríggjadag 27. mai
Nón 27. mai 2022
140205
Fríggjadag 27. mai
Grønt orkuskifti og kvinnur í politikki
140184
Fríggjadag 27. mai
Góðan morgun Føroyar 27.05.2022
140183
Fríggjadag 27. mai
Morgunlestur fríggjadagur 27.mai 2022
139981
Hósdag 26. mai
RagnarRokk 26.mai 2022
139459
Nýggjastu sendingar í SV
Hósdag 26. mai
Guðstænasta úr Miðvágs kirkju
140163
Hósdag 26. mai
Sært tú meg 3:3
140155
Hósdag 26. mai
Andakt við Emil Olsen
140162
Mánadag 23. mai
3-2
140037
Sunnudag 22. mai
Andakt við Andriasi Magnussen
139968