Føroyar fingu uppreisn móti Italia

16.01.2022 - 10:30
ÍtrótturHondbóltur
Føroyar fingu uppreisn móti Italia
Føroyska A-landsliðið hjá monnum í hondbólti vann í gjárkvøldið 27-26 móti Italia í HM-undankappingini, sum verður spæld í Føroyum um vikuskiftið.
Mynd: Mynd: HSF  
 

Harvið fekk føroyska liðið eina rimmar uppreisn eftir vónbrotið móti Luksemburg fríggjakvøldið.

Móti Italia gekk javnt á allan fyrra hálvleik, men beint áðrenn hálvleikssteðgin eydnaðist tað Italia at koma tvey mál framum, so hálvleiksstøðan var 13-11.

Føroyar fingu eina flúgvandi byrjan upp á seinna hálvleik og løgdu seg skjótt á odda, og føroyska leiðslan, sum í løtum var heili trý mál, helt meginpartin av seinna hálvleiki. Men italska liðið át seg inn aftur í dystin og kom eisini á odda aftur 25-24. 

Føroyar skoraðu síðani tvær ferðir til 26-25, áðrenn Italia javnaði aftur til 26-26. Theis Horn Rasmussen gjørdi tað síðani til 27-26 til Føroyar, og hóast Italia átti síðsta álopið í dystinum, eydnaðist teimum ikki at svara aftur, og sostatt var føroyski sigurin veruleiki eftir ein sera spennandi dyst.

Tróndur Mikkelsen var besti føroyski málskjútti við 7 málum. Hákun West av Teigum gjørdi 6 mál.

Í kvøld verða síðstu dystirnir í bólkinum. Klokkan 15.30 spæla Italia og Luksemburg, og klokkan 18.00 spæla Føroyar og Lettland.

Áðrenn dystirnar í kvøld er framvegis stórur spenningur um, hvør vinnur bólkin. Luksemburg er fremst við 3 stigum, Føroyar og Italia hava 2 stig í part, og Lettland hevur 1 stig.

Er kopiera
Nýggjastu sendingar í ÚV
Mikudag 25. mai
Kvørnin: Trý føroysk stakløg
140145
Mikudag 25. mai
LEITISSTEIN 24.04.2022
140144
Mikudag 25. mai
Nón 25. mai 2022
140137
Mikudag 25. mai
Breddin - Fangi hjá Islamskum Stati
140117
Mikudag 25. mai
Góðan morgun Føroyar 25.05.22
140108
Nýggjastu sendingar í SV
Mánadag 23. mai
3-2
140037
Sunnudag 22. mai
Andaktin
139968
Sunnudag 22. mai
Guðstænasta í Elduvíkar kirkju
139969
Hósdag 19. mai
Sært tú meg 2:3
139885
Mánadag 16. mai
3-2
139731